استانا قالاسىنداعى «ەكسپو-2017» حالىقارالىق كورمەسى ايماعىنداعى عيماراتتىڭ ءبىر بولىگى وپىرىلىپ ءتۇستى. قۇرىلىسى تولىق اياقتالىپ ۇلگەرمەگەن عيماراتتىڭ قيراپ قالعانىن كورەستكەن بەينە جازبا الەۋمەتتىك جەلىلەرگە تاراپ ۇلگەرگەن.

Tengrinews.kz پورتالىنىڭ مالىمەتىنە سۇيەنسەك، «ەكسپو-2017» اۋماعىندا ەكى عيماراتتىڭ اراسىن جالعايتىن كوپىر كونسترۋكتسياسى قۇلاپ قالىپتى.

وسىدان كەيىن ەكسپو-2017-ءنىڭ ءباسپاسوز حاتشىسى دەرەۋ سۇحبات بەرىپ، ماسەلەنىڭ ءمان جايىن ءتۇسىندىرىپ باقتى.

«نەگىزگى عيماراتتارعا ەش زاقىم كەلگەن جوق، تەك پاۆيلونداردى ءبىر-بىرىمەن جالعايتىن كوپىر قۇلاپ قالدى. بۇل وقيعا قاراشانىڭ 16-سى كۇنى بولدى. سەبەبىن بىلمەيمىن. بۇل عيماراتتى BI Group سالىپ جاتقان. ولار وزدەرى جوندەۋى ءتيىس»,-دەيدى  «استانا ەكسپو-2017» ۇلتتىق كومپانياسىنىڭ ءباسپاسوز حاتشىسى سەرگەي كۋيانوۆ.

كۋيانوۆتىڭ سوزىنە سەنسەك، «ەكسپو-2017» اۋماعىنداعى ايدىن راقىمباەۆتىڭ مەنشىگىنە تيەسىلى قۇرىلىس كومپانياسى جاۋاپتى كوپىردىڭ قۇلاۋى نەگىزگى جۇمىستارعا توسقاۋىل بولمايدى.

ال شىعىن كولەمى تۋرالى ناقتى اقپارات جوق. سونداي-اق، جۇرت بولىپ جىلۋ جيناپ سالىپ جاتقان كورمە عيماراتىنىڭ قۇلاۋىنا نە سەبەپ بولعانى دا ايتىلماعان. بۇل تۋرالى الداعى ۋاقىتتا كەڭىرەك توقتالاتىن بولامىز.

Abai.kz