نازارباەۆ: پارلامەنت وكىلەتتى مەرزىمىن تولىق اتقارادى
قازاقستان پرەزيدەنتى نۇرسۇلتان نازارباەۆ قازىرگى پارلامەنت وكىلەتتى مەرزىمىنىڭ سوڭىنا دەيىن جۇمىس ىستەيتىنىن مالىمدەدى. نازارباەۆ بۇل تۋرالى 16 ناۋرىزدا مەملەكەتتىك باق وكىلدەرىمەن كەزدەسۋىندە ايتتى. كەزدەسۋدەن تۇسىرىلگەن ۆيدەونىڭ ءۇزىندىسىن كەشە كەشكە اقوردانىڭ ءباسپاسوز قىزمەتى Facebook-تەگى پاراقشاسىندا جاريالادى.
- جاڭا سايلاۋ مەن ۇيلەنگەننەن كەيىن ارقاشان ويلاعان نارسەڭ ورىندالىپ كەتپەيدى جاقسى ءسوز بار. سوندىقتان... حالىق نەگە جاڭا سايلاۋدى كوكسەپ وتىر؟ پارلامەنت 2021 جىلعا دەيىن سايلانعان. ول مەرزىمىمەن جۇمىس ىستەيدى، - دەدى نازارباەۆ.
2015 جىلى ساۋىردە وتكەن مەرزىمىنەن بۇرىن پرەزيدەنت سايلاۋىندا نۇرسۇلتان نازارباەۆ، ال 2016 جىلى ناۋرىزدا وتكەن پارلامەنت سايلاۋنىدا ونىڭ بيلىكتەگى "نۇر وتان" پارتياسى جەڭگەن.
نازارباەۆتىڭ بۇل كەزدەسۋىنە مەملەكەتتىك تەلەارنالاردىڭ، ونىڭ ىشىندە "قازاقستان" تەلەارناسى، "ايقىن" گازەتى، Esquire جۋرنالى، رەسمي قازاقپارات اگەنتتىگىنىڭ جۋرناليستەرى قاتىسقان. پرەزيدەنتتىڭ ءباسپاسوز قىزمەتىنىڭ حابارلاۋىنشا، كەزدەسۋگە قاتىسقاندار بىرقاتار ماسەلەلەردى، ونىڭ ىشىندە كوررۋپتسياعا قارسى شارالار، سىرتقى ساياساتتاعى باسىمدىقتار مەن باسقا دا "ماڭىزدى تاقىرىپتاردى" تالقىلاعان.
اباي اقپارات
