جاقىندا "US News & World Report" جۋرنالى الەمنىڭ دامىعان ەلدەردىڭ ءتىزىمىن جاريالادى. ول ءتىزىمنىڭ كوشىن  شۆەيتساريا  باستاپ تۇر.

شۆەيتساريانىڭ وكشەسىن باسا كانادا، ۇلىبريتانيا، گەرمانيا، جاپونيا، شۆەتسيا جانە اقش تۇر.

ەكونوميكاسى ەكپىندى دامىپ كەلە جاتقان ەلدەردىڭ ساپىندا بىرىككەن اراب امىرلىكتەرى، سينگاپۋر مەن ءۇندىستان بار ەكەن.

ءبىز الەمنىڭ قارىشتاپ دامىعان ەلۋلىگىنە ەنۋگە ەكىلەنىپ وتىرعاندا، "US News & World Report" ءبىزدى بۇل ءتىزىمنىڭ 71-ساتىسىنا جايعاستىرىپتى. ال دامىعاندار مەن دامۋشىلاردىڭ بارلىعى 80 ەل ەكەن. ال بىلتىر دامۋشىلار تىزىمىندە 60 مەملەكەت بولدى. ول كەزدە قازاقستان 55-ورىنعا تابان تىرەگەن ەدى.

"قازاقستان - دۇنيەجۇزىندەگى ەڭ ءىرى مەملەكەتتەر قاتىرانا كىرەدى. مۇحيتقا شىقپايدى. تەرريتورياسىنىڭ باسىم بولىگى ورتالىق ازيادا ورنالاسقان. شىعىس ەۋروپادا شاعىن عانا اۋماعى جاتىر. قازاقستان - وا اۋماعىندا تابيعي قازبا-بايلىعى ەسەبىنەن ەڭ ءىرى ەكونوميكالىق ءوسىم كورسەتىپ وتىرعان مەملەكەت. ول ۋران ءوندىرىسى جونىنەن الەم ەلدەرىنىڭ الىدىندا تۇر. جانە ونىڭ ەكونوميكاسى مۇناي سەكتورىنا باعىتتالعان. 1990-جىلدارمەن سالىستىرعاندا بۇگىنگى تاڭدا جان باسىنا شاققانداعى ىشكى ءوسىم 10 ەسەگە ارتقان. قازاقستان - بۇۇ، ەقىۇ جانە وزگە دە حالىقارالىق ۇيىمداردىڭ مۇشەسى " دەپ جازىلىپتى "US News & World Report" ۆەب-سايتىندا.

قازاقستاننان كەيىن تىزىمدە بوليۆيا، ۋكراينا پاكىستان مەن انگولا بار ەكەن. دامۋشى ەلدەردىڭ ءتىزىمىن سەربيا تۇيىندەپ تۇر. ول سەكسەنىنشى ورىندا.

ال سولتۇستىكتەگى كورشىمىز رەسەي بۇل كوشتە 27-ورىنعا جايعاسىپتى.

اباي اقپارات