جۇما, 29 ناۋرىز 2024
قوعام 8787 0 پىكىر 27 اقپان, 2017 ساعات 01:42

قادىرالينانىڭ پرەزيدەنت قول قويعان زاڭدى بۇرمالاۋعا حاقىسى بار ما، مىرزاحمەتوۆ مىرزا؟!

قر پرەمەر-ءمينيسترىنىڭ ورىنباسارى،

 قر اۋىل شارۋاشىلىعى ءمينيسترى

ا.ي. مىرزاحمەتوۆكە

قۇرمەتتى اسقار يسابەكۇلى!

ءبىز قحر-دان ىلگەرىندى-كەيىندى كوشىپ كەلىپ، اقمولا وبلىسى، قورعالجىن اۋدانى، كەڭبيدايىق اۋىلىنا قونىستاندىق. جيىرما وتباسىمىز. ءبارىمىز تۇراقتى تىركەۋگە تۇرىپ، ءبارىمىز «ورالمان» مارتەبەسىن الدىق. مىنە، ءبىر جىلدان بەرى ءوز كۇنىمىزدى ءوزىمىز كورىپ، تىرلىك ەتىپ كەلەمىز. اۋىل تۇرعىندارى جىلى ءجۇز، ىستىق قۇشاقپەن قارسى الدى. الداعى جەردە ارتتا قالعان تۋىس-تۋعان، قۇدا-جەگجاتتارىمىز دا ات باسىن وسى اۋىلعا بۇرساق دەپ، كوشتىڭ تۇيەسىن قومداپ وتىر. جاز شىقسا، ولار دا ورالادى.

قۇدايعا شۇكىر، كوڭىل-كۇيىمىز جاقسى، رۋحىمىز سەرگەك. ەڭبەك ەتكەن ادامعا بار مۇمكىندىك جاسالعانىن تەلەارنالاردان ەستىپ، قۋانىپ جاتىرمىز. ءبىز اۋىلدا ەسەيىپ، ءوز بەتىمەن جان باعۋدىڭ مول تاجىريبەسىن يگەرگەن جاندارمىز. تەك، شارۋاشىلىق قۇرۋعا، مالمەن اينالىسۋعا قاجەتتى شارتتار ازىرلەنسە، قالعانىن ءوز كۇشىمىزبەن دامىتىپ اكەتەمىز. بىزگە قول بايلاۋ بولىپ تۇرعان – جەر عانا!

ەلباسىمىزعا مىڭ قايتارا راحمەت، شەتتەن كەلەتىن قانداستارىمىزدىڭ بۇكىل جاعدايىن زاڭمەن شەشىپ قويىپتى. سونىڭ ەڭ ماڭىزدى، اسا قاجەتتىسى دە وسى جەر ماسەلەسى ەدى.

قازاقستان رەسپۋبليكاسىنىڭ جەر كودەكسىنىڭ 46-بابىندا ول ماسەلە دە ءوز شەشىمىن تاۋىپتى – «ورالماندارعا شارۋا نەمەسە فەرمەر قوجالىعىن جانە تاۋارلى اۋىل شارۋاشىلىعى ءوندiرiسiن جۇرگiزۋ ءۇشiن جەر ۋچاسكەلەرiن بەرۋ اۋىل شارۋاشىلىعى ماقساتىنداعى جەردەن، ارنايى جەر قورىنىڭ، يمميگراتسيالىق جەر قورىنىڭ جەرiنەن جانە بوسالقى جەردەن ۋاقىتشا جەر پايدالانۋ قۇقىعىمەن جۇزەگە اسىرىلادى» - دەپ اشىق جازىلىپتى. ەڭ كەرەمەتى، وسى 46-باپتىڭ 4) تارماعى بويىنشا،  «ورالماندارعا بەرiلەتiن جەر ۋچاسكەلەرiنە وسى كودەكستiڭ 48-بابىنىڭ نورمالارى قولدانىلمايدى» ەكەن. قىسقاسى، "ورالمان" اتانعان بىزگە جەر تەلىمدەرىنىڭ پايدالانۋ قۇقىعى ەشبىر كونكۋرسسىز، اۋكتسيونسىز بەرىلەدى ەكەن. مىنە، قازاقستاننىڭ قانداستارىنا جاساعان قامقورلىعى دەپ وسىنى ايت. ايتپەسە،  زاڭ مەن زاكوننان حابارى جوق الىستان كەلگەن ءبىز بايقۇس ابدىراپ قالار ەدىك قوي...

وسى جەر كودەكسىنىڭ 46-بابىندا كورسەتىلگەن يگىلىكتەردى نەگىزگە الىپ، ءبىز 2016 جىلدىڭ 17 قاراشاسىندا اقمولا وبلىسى، قورعالجىن اۋدانىنىڭ اكىمدىگىنە جەر سۇراپ، ءوتىنىش جازعانبىز. 2016 جىلىدىڭ 18 قاراشاسىندا  اۋداندىق جەر قاتىناستارى بولىمىنەن «كەڭبيدايىق اۋىلدىق وكرۋگىندە جەر تەلىمى بوس ەمەستىگىن حابارلايمىز، بوس بولعان جاعدايدا سىزدەرگە جەر تەلىمى بەرىلەدى» - دەگەن جاۋاپ حات الدىق.

اقمولا وبلىسى - قازاقستان رەسپۋبليكاسى ۇكىمەتىنىڭ ورالمانداردى قونىستاندىرۋ ءۇشىن ارنايى ايقىنداعان جەتى ءوڭىردىڭ بىرەۋى. ءبىز سول ءۇشىن دە وسى وبلىسقا قونىستانعانبىز.

ۇكىمەتكە تەلمىرمەي، تىنىمسىز جۇمىس ىستەۋمەن ءومىرى ءوتىپ كەلە جاتقان  بىزدەر ءۇشىن قول قۋسىرىپ بوس وتىرۋ – ازاپ! ارعى بەتتە ءجۇرىپ تىرناشتاپ جيعان تيىن-تەبەنىمىزگە ازىن-اۋلاق مال دا ساتىپ الدىق. ەندى سونى دامىتىپ، شارۋاشىلىق قۇرىپ، تىرشىلىك ەتۋ ءۇشىن ارينە، جەر كەرەك. سول ءۇشىن ءبىز «نۇر وتان» پارتياسىنا حات جازىپ ەدىك، پارتيا ول ءوتىنىشىمىزدى اقمولا وبلىسىنىڭ اكىمدىگىنە جىبەرىپتى. 2017 جىلدىڭ 10 قاڭتارىندا «اقمولا وبىلىسى جەر قاتىناستار باسقارماسى» مەلەكەتتىك مەكەمەسى بىزگە جاۋاپ حات قايتاردى.

 اقمولا وبلىستىق جەر قاتىناستارى باسقارماسىنىڭ باسشىسى الماگۇل قادىرالينا

مىنا حاتتى وقىپ، ميىمىز اينالدى. اقمولا وبلىستىق جەر قاتىناستارى باسقارماسىنىڭ باسشىسى الماگۇل قادىرالينا بىزگە بوس جەر تاۋىپ بەرۋدىڭ ورنىنا، «ورالمان» دەگەن ۇعىمدى ءتۇسىندىرىپ، قر جەر كودەكىسىندە تايعا باسقان تاڭباداي انىق جازىلعان زاڭ باپتارىن بۇرمالاپ كورسەتىپتى. «قر جەر كودەكىسىنىڭ 48-بابىنىڭ 1-تارماقشاسىندا قاراستىرىلعان جاعدايلاردى قوسپاعاندا» دەپ ۇكىمەت ارنايى بەرگەن «ورالمان» دەگەن مارتەبەمىزدى لاقتىرىپ تاستاپ، ءبىزدى قازاقستان رەسپۋبليكاسىنىڭ ازاماتتارىمەن تەڭەستىرۋگە تىرىسادى. زاڭمەن كورسەتىلگەن جەر تەلىمدەرىن پايدالانۋ قۇقىعىمىزدان ايىرۋعا بارىن سالادى. قىسقاسى، «جەر بەرمەيمىز» دەگەن ويىن اشىق ايتپاعانىمەن، ەمەكسىتىپ كورسەتەدى.

نە ءۇشىن قر جەر كودكىسىنىڭ 48-بابىنىڭ 1-تارماقشاسىندا قاراستىرىلعان جاعدايلاردى قوسپايدى ول؟! پرەزيدەنتتىڭ قولى قويىلعان زاڭدى بۇرمالاۋعا الماگۇل قادىرالينا حانىمنىڭ قانداي حاقىسى بار؟!! بىلدەي ءبىر وبلىستىڭ جەر قاتىناستارى باسقارماسىنىڭ باسشىسى جەر تۋرالى زاڭدى بىلمەي مە، الدە شەتتەن كەلگەن قانداستارىنا قىرىن قاراي ما؟!!

قۇرمەتتى اسقار يسابەكۇلى!

 شەتتە جۇرگەن قازاقتىڭ قازاقستانعا كەلۋگە دەگەن ىنتاسى وتە كۇشتى. قازاقتىڭ باعىنا تۋعان ەلباسىمىز كوشىپ كەلەم دەگەن قازاققا بار مۇمكىندىكتى زاڭ جۇزىندە جاساپ قويدى. بيىل كوشىپ كەلگەن قازاقتىڭ زاڭ جۇزىندە بەلگىلەنگەن جەڭىلدىكتەرى بيىل شەشىلمەسە، كەلەسى جىلى ورالعان ەل كوبەيگەندە ماسەلە كۇردەلەنىپ كەتپەي مە؟! زاڭ كولەمىنەن اسىپ، ءبىز دە ارتىق نارسە تالاپ ەتپەيمىز. اتقارۋشى بيلىك مۇنداي كۇردەلى تۇيىندەرى زاڭدى بۇرمالاماي، ءوز ۋاعىندا شەشىپ وتىرۋى كەرەك قوي.

سىزدەن وسى ءىستى ءوز قاراۋىڭىزعا الىپ، ءبىزدىڭ جانە ءبىز سەكىلدى ورالمان قانداستارىڭىزدىڭ جەر الۋ ماسەلەسىن ءوز دەڭگەيىندە شەشىلۋىنە ىقپال ەتۋىڭىزدى سۇرايمىن.

قۇرمەتپەن،

قورعالجان اۋدانى،

كەڭبيدايىق جانە

ارىقتى اۋىلدارىنا كوشىپ كەلگەن

ورالماندار اتىنان

قاينار كەمەلبەكۇلى

Abai.kz

 

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2280
عيبىرات

قايسار رۋحتى عازيز جان

مۇحتار قۇل-مۇحاممەد 3600