ەلىمىزدىڭ ەكس-دەپۋتاتى عاني قاسىموۆ ءانشى ديماش قۇدايبەرگەنوۆ جايىندا پىكىرىن ايتتى. ول ديماشتى الەمدىك ماڭىزى بار فەنومەنگە تەڭەدى.

“مەن ءۇشىن ديماش قۇدايبەرگەنوۆ – الەمدىك ماڭىزى بار فەنومەن، ول ەندى قازاق ءانشىسى ەمەس، ول جەر شارىنىڭ بارلىق كونتينەنتتەرىنە تيەسىلى گاۋھار تاس. الايدا تۋعان ولكەسى – وعان كۇش پەن شابىت سىيلايتىن، ونىڭ عاجاپ تالانتىنىنىڭ كەڭەيۋىنە، اشىلۋىنا سەپتىگىن تيگىزەتىن بەسىك. ول ۇلى امىرەنىڭ، دالا داستۇرلەرى مەن مادەني وركەنيەتتىڭ جالعاسى. مۇنداي يگىلىگى بار ءبىز ونى ماقتان تۇتىپ قانا قويماي، سيرەك ۇشىراساتىن قۇندىلىق رەتىندە كوزىمىزدىڭ قاراشىعىنداي ساقتاۋىمىز كەرەك. سونداي-اق، ونىڭ قايتالانباس، عاجايىپ دارىنىنىڭ ءارى قاراي دامي تۇسۋىنە بارلىق قولايلى جاعدايلاردى جاساۋىمىز كەرەك. مەن سولاي ويلايمىن”، – دەيدى عاني قاسىموۆ.

جەلى وقىرماندارى قاسىموۆتىڭ پىكىرىن قوشتاي ءتۇستى. كوپشىلىك ونىڭ اسەرلى سوزدەرىنە تاڭداي قاقتى.

“ونىڭ اتا-اجەسى دە، اتا-اناسى دا وتە قاراپايىم ءارى مادەنيەتتى ادامدار، ولار كاسىبي ءانشى ءارى مۋزىكانتتار، سوندىقتان ديماشتىڭ ۇلگى الاتىن ادامدارى بار”، “ديماشتىڭ بار ءومىرى الدا، حالىق ءالى-اق وعان دەگەن ماحابباتىن بىلدىرەدى، ال اتا-اناسىن قر-دىڭ ەڭ ۇزدىك ناگرادالارىمەن ماراپاتتاۋ قاجەت”، “سىزبەن قازاق حالقى كەلىسەدى”، “دۇرىس ايتاسىز، اعا”، “وسىنداي پىكىردى ەستىگىم كەپ جۇرگەلى قاشان”، “كوپشىلىك ونىڭ قادىرىن تۇسىنبەدى، ەندى ول قىتايداعى بايقاۋعا قاتىسىپ، بۇكىل ەلدى مويىنداتىپ جاتىر”، ء“سىزدىڭ سوزىڭىزگە قوسارىم – ول ازىرگە سيرەك كەزدەسەتىن الماس تاس، ەگەر مەملەكەت قولداۋ كورسەتسە ول ناعىز گاۋھارعا اينالار ەدى”، – دەيدى ولار.

نۇرسۇلۋ نايمانوۆا.

Abai.kz