جەكسەنبى, 8 جەلتوقسان 2019
قوعام 3368 0 پىكىر 27 قاڭتار, 2017 ساعات 15:23

پرەزيدەنت ەندى ەكى-اق ءمينيستردى تىكەلەي تاعايىنداي الادى

ەلىمىزدە قولعا الىنعان ساياسي رەفورما اياسىندا پارلامەنتتىڭ ءرولى كۇشەيتىلمەك. ەندىگى ۋاقىتتا پرەزيدەنت تەك ەكى ءمينيستردى عانا تىكەلەي، وزگەلەرىن مىندەتتى تۇردە ءماجىلىستىڭ كەلىسىمىن العاننان كەيىن تاعايىندايتىن بولادى. بۇدان بولەك دەپۋتاتتار ەندى كوپشىلىك داۋىسپەن مينيسترلەردى وتستاۆكاعا جىبەرەتىن وكىلەتتىككە يە بولماق، - دەپ حابارلايدى Baq.kz ءتىلشىسى.


مەملەكەت جانە قوعام قايراتكەرى ءادىل احمەتوۆتىڭ پىكىرىنشە، جاڭا رەفورمادا، ەڭ باستىسى، بيلiك تارماقتارىنىڭ جاۋاپكەرشiلiگiنە وتە ۇلكەن كوڭiل بولiنگەن.

«پارلامەنتتىڭ تەك قانا زاڭ شىعارىپ قويمايدى، سول زاڭداردى باقىلاي الاتىن وكiلەتتiگi ارتپاق. مينيسترلەردi تاعايىنداۋعا بايلانىستى دا پرەزيدەنت وتە جاقسى ايتىپ وتىر. پرەزيدەنت قورعانىس سالاسى مەن سىرتقى ىستەر مينيسترiن عانا ءوزi تىكەلەي تاعايىندايدى. قالعان مينيسترلەردى مىندەتتى تۇردە ءماجiلiستىڭ كەلىسىمىن العاننان كەيىن عانا تاعايىندايتىن بولادى. وسىلايشا پارلامەنتتiڭ ءرولi ارتىپ وتىر»، - دەيدى پروفەسسور.

تاعى ءبىر ماڭىزدى جايت، دەپۋتاتتار ەندى كوپشىلىك داۋىسپەن مينيسترلەردى وتستاۆكاعا جىبەرەتىن وكىلەتتىككە يە بولماق.

 «ەندىگى جەردەگى ۇلكەن جاڭالىق – ءماجىلىس دەپۋتاتتارىنىڭ ۇشتەن ەكىسىنىڭ استامى ءمينيستردى ورنىنان ءتۇسىرۋ جونىندە ۇسىنىس جاسايتىن بولسا، وندا پرەزيدەنت ونى قابىلداۋعا مىندەتتى بولادى»، - دەيدى ءماجىلىس دەپۋتاتى ساۋىتبەك ءابدىراحمانوۆ.

ءادىل احمەتوۆتىڭ ايتۋىنشا، ەندى بۇل رەفورمانى ناۋقانعا اينالدىرىپ جىبەرمەۋ كەرەك. بۇل ماسەلە تىم كوپ ايتىلسا، حالىق مەزى بولىپ كەتەدى.

 «حالىقتىڭ تالقىلاۋىنا ۇسىنىلىپ وتىر. وتە دۇرىس شەشىم. سول تالقىلاۋدىڭ باسى وسى جەردە باستالىپ وتىر. حالىق بۇل باستامانى قولدايدى دەگەن ۇمىتتەمىن»، - دەدى ول.

ساۋىتبەك ءابدىراحمانوۆتىڭ سوزىنشە، كونستيتۋتسياعا ەنگىزىلگەن بۇل وزگەرىستەردى قابىلداۋ ءۇشىن جالپىحالىقتىق رەفەرەندۋم وتكىزۋدىڭ قاجەتى جوق.

«كونستيتۋتسياعا سايكەس، مىندەتتى تۇردە رەفەرەندۋم وتكىزۋ قاراستىرىلماعان. اتا زاڭ بويىنشا رەفەرەندۋم نەمەسە جالپىحالىقتىق تالقىلاۋ بولۋى كەرەك. بۇل جەردە جالپىحالىقتىق تالقىلاۋ تاڭدالىنىپ وتىر. مەنىڭ ويىمشا، ءبىر اي ىشىندە بۇكىل قوعام ۇندەۋدى تالقىلاۋعا بەلسەندى اتساسىلىپ، ناقتى ۇسىنىستار ەنگىزسەك، بۇل ماسەلەنى رەفەرەندۋمسىز-اق شەشە الامىز»، - دەدى ءماجىلىس دەپۋتاتى.

ەسكە سالا كەتسەك، مەملەكەت باسشىسى 25 قاڭتار بيلىك تارماقتارى اراسىندا وكىلەتتىكتەردى قايتا ءبولۋ بويىنشا قازاقستان حالقىنا ۇندەۋ جاساعان ەدى. ساياسي رەفورماعا سايكەس، پرەزيدەنتتىڭ الەۋمەتتىك-ەكونوميكالىق پروتسەستەردى رەتتەۋدەگى ءبىرشاما وكىلەتتىكتەرى ۇكىمەتكە جانە باسقا دا اتقارۋشى ورگاندارعا بەرىلمەك. سوندا بۇل سالاعا ۇكىمەت، مينيسترلىكتەر جانە اكىمدىكتەر تولىقتاي جاۋاپ بەرەتىن بولادى. بۇل وزگەرىستەردى ۇكىمەت قازىرگى پارلامەنتتىڭ سەسسيانىڭ اياعىنا دەيىن پارلامەنتكە ەنگىزۋى ءتيىس.
بۇدان بولەك، بيلىك تارماقتارى اراسىنداعى قارىم-قاتىناستى كونستيتۋتسيالىق دەڭگەيدە تەڭگەرىمدى ەتۋ ماقساتىندا ۇكىمەتتى جاساقتاۋداعى پارلامەنتتىڭ ءرولى كۇشەيتىلەدى. پارلامەنت سايلاۋىندا جەڭگەن پارتيا ۇكىمەت قۇرامىن انىقتاۋعا تۇبەگەيلى ىقپال ەتەتىن بولادى. بۇل مينيسترلەر كابينەتىنىڭ وكىلەتتى بيلىك الدىنداعى جاۋاپكەرشىلىگىن ارتتىرماق. تيىسىنشە، بيلىكتىڭ زاڭ شىعارۋشى تارماعىنىڭ اتقارۋشى بيلىككە باقىلاۋىن كۇشەيتەدى.

0 پىكىر