دۇيسەنبى, 9 جەلتوقسان 2019
جاڭالىقتار 2921 0 پىكىر 27 قاڭتار, 2017 ساعات 08:18

ەلباسىنىڭ ۇندەۋى - جاڭارۋدىڭ جاڭا قادامى

بۇگىن وبلىستىق «قوعامدىق كەلىسىم» كمم-دە قازاقستان حالقى اسسامبلەياسىنىڭ ۇيىمداستىرۋىمەن قازاقستان  رەسپۋبليكاسى پرەزيدەنتىنىڭ بيلىك تارماقتارى اراسىندا وكىلەتتىكتەردى قايتا ءبولۋ ماسەلەلەرى جونىندەگى ۇندەۋىن تالقىلاۋعا ارنالعان دوڭگەلەك ۇستەل ءوتتى.

وقو قازاقستان حالقى  اسسامبلەياسى توراعاسىنىڭ ورىنباسارى م. قالمۇراتوۆ  جۇرگىزىپ وتىرعان جيىندا وبلىسىمىزداعى  ەتنومادەني بىرلەستىكتەردىڭ توراعالارى  مەن بەلسەندى  مۇشەلەرى ەلباسى  قابىلداعان شەشىمنىڭ ماڭىزىن تالقىعا سالدى.

باسقوسۋدا ءسوز العان  وبلىستىق تاتار-باشقۇرت ەتنومادەني بىرلەستىگىنىڭ ءتورايىمى اسيا مۋحامەدوۆا، وبلىستىق يران ەتنومادەني بىرلەستىگىنىڭ توراعاسى نۇرىسبەك كاپار-پۋر، وبلىستىق «ىنتىماق» ەتنوسارالىق  بىرلەستىگىنىڭ ءتورايىمى گاۋحار تولەپوۆا، «قازاقستاننىڭ ورىس، سلاۆيان جانە قازاق ۇيىمدارى اسسوتسياسى» وقو فيليالىنىڭ توراعاسى يۋ.كيريۋحين  حالىقتىڭ تالقىلاۋىنا  سالىنعان كونستيتۋتسيالىق رەفورمانى پرەزيدەنتتىڭ بارشاعا بەلگىلى ساياسي قولتاڭباسىنىڭ جارقىن كورىنىسى دەپ باعالادى.

- ءبىز تاريحي ساتكە كۋا بولىپ وتىرمىز. ەلباسىنىڭ كونستيتۋتسيالىق رەفورمالارى تۋرالى ۇندەۋى ەلدى جاڭعىرتاۋعا باعىتتالعان ماڭىزدى قادام بولىپ سانالادى. بيلىك تارماقتارىنىڭ وكىلەتتىكتەرىنىڭ اۋىسۋى مەملەكەتتىك باسقارۋ جۇيەسىنىڭ جاقسارۋىنا وڭ اسەر ەتەدى.

وبلىسىمىزداعى  ەتنومادەني بىرلەستىكتەر پرەزيدەنتىمىزدىڭ ۇندەۋىن بەلسەندى تۇردە حالىق اراسىندا كەڭ اۋقىمدا ناسيحاتتاۋعا اتسالىسادى، -دەدى  ءوز سوزىندە وبلىستىق يران ەتنومادەني بىرلەستىگىنىڭ توراعاسى نۇرىسبەك كاپار-پۋر.

0 پىكىر