بيگەلدى عابدۋللين سوت زالىنان بوساپ شىقتى
استاناداعى سوت Central Asia Monitor گازەتىنىڭ باس رەداكتورى جانە Radiotochka.kz سايتىنىڭ مەنشىك يەسى بيگەلدى عابدۋلليندى بەس جىلعا باس بوستاندىعىنان ايىرۋ تۋرالى ۇكىم شىعاردى. بىراق ول سوت سالىنان بوساپ شىقتى. سوت باس رەداكتوردى ءوزىنىڭ مەديا رەسۋرستارى ءۇشىن اسا ءىرى كولەمدەگى "مەملەكەتتىك تاپسىرىستاردى بوپساسالاۋ ارقىلى العان" دەپ شەشتى.
سوت شەشىمى بويىنشا، عابدۋللين 10 جىل بويى جەرگىلىكتى ءوزىن ءوزى باسقارۋ ورگاندارىندا قىزمەت اتقارا المايدى، باسقارۋشى قىزمەتكە تاعايىندالمايدى. باس رەداكتوردىڭ مۇلكى تاركىلەنبەيتىن بولدى.
سوت جازا بەلگىلەۋ كەزىندە سوتتالۋشىنىڭ كامەلەت جاسقا تولماعان بالالارى بارىن، 62 جاستاعى عابدۋلليننىڭ تەرگەۋ ورگانىنا ءوز ەركىمەن كەلۋىن ەسكەرگەن.
بيگەلدى عابدۋللين 2016 جىلى قاراشادا قاماۋعا الىنعان ەدى. تەرگەۋ بارىسىندا جانە سوتتا ول تاعىلعان ايىپتاردى مويىنداپ، "بوپسالاۋ ارقىلى الىنعان دەلىنەتىن مەملەكەتتىك تاپسىرىستاردى" قايتارىپ بەردى.
اباي-اقپارات
