سوت احمەتوۆ جازاسىن وتەپ جاتقان قاراعاندى وبلىسىنىڭ قاراباس كەنتىندەگى 159/18 كولونياسىندا بولعان. سوت شەشىمى بويىنشا، احمەتوۆتىڭ جازا مەرزىمى ءبىر جىل جەتى اي 11 كۇنگە ازايتىلعان.

احمەتوۆتىڭ جازا مەرزىمىن ازايتۋ تۋرالى ۇسىنىس قاراعاندى وبلىسىنىڭ اباي اۋداندىق سوتىنا 11 قاڭتاردا تۇسكەن. سوتتىڭ حابارلاۋىنشا، ۇسىنىسقا 159/18 كولونياسى باسشىسىنىڭ قولى قويىلعان.

قازاقستاننىڭ بۇرىنعى پرەمەر-ءمينيسترى سەرىك احمەتوۆ پەن قاراعاندى قالاسى جانە وبلىسىنىڭ بۇرىنعى شەنەۋنىكتەرىنىڭ ءىسى بويىنشا سوت 2015 جىلى جەلتوقساندا اياقتالعان. ءىس بويىنشا 21 ادام سوتتالعان. 12 سوتتالۋشى ۇكىمگە قارسى شاعىم بەرگەن. سوت سەرىك احمەتوۆتى "زاڭسىز كاسىپكەرلىكپەن اينالىستى" جانە "وكىلەتىن اسىرا قولداندى" دەپ ايىپتاپ، 10 جىلعا سوتتاعان. سوت احمەتوۆتىڭ دۇنيە-مۇلكىن تاركىلەۋگە ۇكىم ەتىپ، 5 جىل مەملەكەتتىك قىزمەتپەن اينالىسۋىنا تىيىم سالعان. 2016 جىلى ناۋرىزدا اپەللياتسيالىق ينستانتسيا سەرىك احمەتوۆتىڭ جازاسىن 10 جىلدان 8 جىلعا ازايتقان.

Abai.kz