قر اقپارات جانە كوممۋنيكاتسيا ءمينيسترى داۋرەن اباەۆ الماتى قالاسى الاتاۋ اۋداندىق حقكو-دا قايتىس بولعان قۇنتاقوۆ جاراس نۇركەبايۇلىنىڭ تۋىستارى مەن جاقىندارىنا قايعىرىپ، كوڭىل ايتتى. 
بۇگىن استانادا ازاتتىق راديوسىنىڭ تىكەلەي ەفيرىندە ۋاقىتشا تىركەۋ ماسەلەسى تالقىلانعان بولاتىن. اتالعان تاقىرىپتى تالقىلاۋعا بەلسەندى زاڭگەرلەر مەن ساراپشىلار، قر اقپارات جانە كوممۋنيكاتسيا ءمينيسترى داۋرەن اباەۆ قاتىستى. 
ءمينيستردىڭ ايتۋىنشا، حقكو-دا ەنگىزىلگەن جاڭا جۇمىس فورماتى قاڭتار ايىنىڭ اياعىنا دەيىن جالعاسادى.  قر اقپارات جانە كوممۋنيكاتسيا مينيسترلىگى ءوز تاراپىنان بارلىق اقپاراتتىق قولداۋ مەن قاجەتتى اقپاراتتىق الاڭداردى ۇسىنۋعا ءازىر.

ونلاين تارتىبىندە ۋاقىتشا تىركەۋ وسى اپتانىڭ سوڭىندا دايىن بولادى
بۇل تۋرالى قر اقپارات جانە كوممۋنيكاتسيا ءمينيسترى داۋرەن اباەۆ ءمالىم ەتتى. 
 «بۇگىنگى تاڭدا 250 مىڭنان استام ادام تىركەۋدەن ءوتتى. بۇل وتكەن جىلدىڭ وسى ارالىعىمەن سالىستارعاندا 5 ەسە كوپ. ءبىز ونلاين تارتىبىندە ۋاقىتشا تىركەۋ باعدارلاماسىن وسى اپتانىڭ سوڭىنا دەيىن بىتىرەمىز. وسى ورايدا، قر اقپارات جانە كوممۋنيكاتسيا مينيسترلىگىنە قاراستى «ۇلتتىق اقپاراتتىق تەحنولوگيالار» اكتسيونەرلىك قوعامى اتالعان باعدارلامانىڭ تەحنيكالىق جابدىقتاماسىن 80 پايىزعا دايىنداپ قويعانىن ايتا كەتۋ كەرەك.  ەندى تاپسىرىس بەرۋشى قر ءىىم تاراپىنان نۇسقاۋ تۇسكەندە، باعدارلاما جۇمىس ىستەي باستايتىن بولادى»،-دەدى مينيستر. 
ەسكە سالا كەتەيىك، بۇگىن ازاتتىق راديوسىنىڭ تىكەلەي ەفيرىندە ۋاقىتشا تىركەۋ ماسەلەسى تالقىعا سالىندى. اتالعان تاقىرىپتى تالقىلاۋعا بەلسەندى زاڭگەرلەر مەن ساراپشىلار، قر اقپارات جانە كوممۋنيكاتسيا ءمينيسترى داۋرەن اباەۆ قاتىستى.

Abai.kz