سەيسەنبى, 25 اقپان 2020
جاڭالىقتار 2977 0 پىكىر 27 جەلتوقسان, 2016 ساعات 11:48

وقو: جىل باسىنان بەرى وسىمدىك شارۋاشىلىعىنا 9,9 ميلليون تەڭگە بولىنگەن

بيىلعى رەسپۋبليكانىڭ اگرارلى ايماعى سانالاتىن وڭتۇستىك قازاقستان وبلىسى ءۇشىن تابىستى قورىتىندىلانعانى تۋرالى جازعان بولاتىنبىز. وقو ورتالىعى سانالاتىن شىمكەنت قالاسىنىڭ اۋىلشارۋاشىلىق باسقارماسىنىڭ جەلتوقسان ايىنداعى قورىتىندى دەرەكتەرىنە نازار اۋدارساق، بيىل شىمكەنتتە 20 ميلليون تەڭگەدەن استام اۋىل شارۋاشىلىق ونىمدەرى وندىرىلگەن ەكەن. بۇل تۋرالى «اباي اقپارات» پورتالى حابارلايدى.

2016 جىلدىڭ 12 ايىندا شىمكەنتتە اتقارىلعان جۇمىستاردى قورىتىندىلاعان شىمكەنت قالالىق اۋىلشارۋاشىلىعى جانە ۆەتەريناريا ءبولىمىنىڭ ەسەبى بويىنشا قالا حالقىن اۋىل شارۋاشىلىعى ونىمدەرىنىڭ نەگىزگى تۇرلەرىمەن ساپالى جانە تولىق كولەمدە قامتاماسىز ەتۋ ماقساتىندا وبلىس اكىمدىگى، وبلىستىق اۋىل شارۋاشىلىعى باسقارماسى جانە شىمكەنت قالاسى اكىمدىگى اراسىندا جاساقتالعان ءۇش جاقتى كەلىسىم – شارت نەگىزىندە، مەجەلەنگەن جوسپاردىڭ ورىندالۋىن   قامتاماسىز ەتۋ ءۇشىن بولىمدە مال جانە وسىمدىك شارۋاشىلىعىنا اي سايىن تالداۋ جاسالىنىپ، ونىڭ ىشىندە اسىرەسە جىلىجاي، وسىمدىك شارۋاشىلىعىندا تامشىلاتىپ سۋارۋ ءادىسىن ەنگىزۋ جانە ت.ب. باعىتتار بويىنشا جوسپارلى جۇمىستار جۇرگىزىلگەن.

سونىڭ ناتيجەسىندە، 2016 جىلدىڭ  12 ايىندا شىمكەنت قالاسىنىڭ اۋىل شارۋاشىلىعى سالاسىندا وندىرىلگەن ءونىمنىڭ كولەمى 20 159 ملن. تگ. قۇراپ، تاپسىرما   116,9 % ورىندالىپتى. ونىڭ ىشىندە وسىمدىك شارۋاشىلىعى بويىنشا – 9 891,0 ملن.تگ.، مال شارۋاشىلىعى بويىنشا – يندەكس 9 918,3 ملن.تگ. ورىندالعان.

ەلىمىزدەگى اگروونەركاسىپتىك كەشەندى دامىتۋدىڭ 2013-2020 جىلدارعا ارنالعان «اگروبيزنەس 2020» باعدارلاماسىن ىسكە اسىرۋ ماقساتىندا اۋىل شارۋاشىلىعى سالاسىندا ەڭبەك ەتىپ جاتقان جەكە جانە زاڭدى تۇلعالارعا بەرىلەتىن جەڭىلدەتىلگەن نەسيەلەردى الۋىنا پراكتيكالىق كومەكتەر كورسەتۋگە باعىتتالعان شارالار جۇزەگە اسىرىلعان ەكەن.

2016 جىلى شىمكەنتتە «ەپيزووتياعا قارسى شارالار جۇرگىزۋ» باعدارلاماسىنا سايكەس  وبلىستىق بيۋدجەتتەن 76 012,0 مىڭ تگ. ءبولىنىپ، قازىرگى تاڭدا  75 665,3 مىڭ تگ. يگەرىلگەن.

جانۋارلار مەن ادامعا ورتاق اسا قاۋىپتى 27 ءتۇرلى اۋرۋعا قارسى دياگنوستيكالىق زەرتتەۋلەر مەن 15 ءتۇرلى جۇقپالى اۋرۋلارعا قارسى پروفيلاكتيكالىق ەگۋ جۇمىستارى اتقارىلىپتى. 

جىل باسىنان بەرى برۋتسەللەز اۋرۋىنا وڭ ناتيجە بەرگەن 40 باس ىقم جانە 77 ۋاق مال، جۇقپالى ەپيديديميت اۋرۋىنا وڭ ناتيجە كورسەتكەن 2 باس ۋاق مال  مال سويۋ بەكەتىنە  («زامين» جشس)  قايتا وڭدەۋگە تاپسىرىلعان.

Abai.kz 

 

0 پىكىر