جۇما, 5 ماۋسىم 2020
COVID-19 قازاقستاندا. جۇقتىرعاندار — 12067. جازىلعاندار — 6606. قايتىس بولعاندار — 52
جاڭالىقتار 3017 0 پىكىر 27 جەلتوقسان, 2016 ساعات 10:46

شىمكەنتتە اۋىل شارۋاشىلىق ونىمدەرىنىڭ جارمەڭكەسى ءوتتى

شىمكەنتتە وڭتۇستىك قازاقستان وبلىس اكىمدىگىنىڭ قولداۋىمەن  جەرگىلىكتى تاۋاروندىرۋشىلەردىڭ قاتىسۋىمەن اۋىل شارۋاشىلىعى جارمەڭكەسى وتكىزىلدى،-دەپ حابارلايدى «اباي اقپارات» پورتالى.      

جارمەڭكەگە 30-دان  استام اۋىل شارۋاشىلىعى تاۋار وندىرۋشىلەرى قاتىسىپ، جالپى قۇنى 96,3 ملن.تەڭگەنى  قۇرايتىن 167 توننا اۋىل شارۋاشىلىعى ونىمدەرى ۇسىنىلدى.  ونىڭ ىشىندە 62  توننا ەت، 57,5 توننا كوكونىس، 15,5 توننا كارتوپ، 5 توننا ءسۇت  ونىمدەرى مەن 10 مىڭ دانا جۇمىرتقا، 2 توننا بالىق تا بار.   ونىمدەر نارىقتاعى باعادان     15 – 20 پايىزعا دەيىن ارزان ساتىلدى.

شارانىڭ ماقساتى – جاڭا جىل مەرەكەسى قارساڭىندا حالىقتى ءتيىمدى باعاداعى قولجەتىمدى ازىق-تۇلىكپەن قامتاماسىز ەتۋ.

ايتا كەتەيىك، وبلىستا سالالىق «اگروبيزنەس – 2020»، «سىباعا»، «التىن اسىق»، قۇلان» باعدارلامالارى جوعارعى دەڭگەيدە ىسكە اسىرىلۋدا.

اعىمداعى قاڭتار – جەلتوقسان ايلارىنا  اۋىل شارۋاشىلىعى جالپى ءونىم كولەمى 415,8 ملرد.تەڭگەنى قۇرادى. 

ال، اۋىل شارۋاشىلىعىندا نەگىزگى كاپيتالىنا تارتىلعان ينۆەستيتسيالاردىڭ كولەمى 9,8 ملرد.تەڭگەگە جەتتى. 

نەگىزگى داقىلداردىڭ ەگىس كولەمى ءداندى داقىلدار – 260,0 مىڭ گەكتار،  مايلى داقىلدار – 80,8 مىڭ گەكتار،  كوكونىس – 40,4 مىڭ گەكتاردى،  باقشا – 59,0 مىڭ گەكتار،  كارتوپ - 15,3 مىڭ گەكتار،  ماقتا – 109,6 مىڭ گەكتار جانە جەمىس-جيدەك پەن ءجۇزىم 30,0 مىڭ گەكتاردى قۇراعان.

بيىلعى جىلى ورتاشا ەسەپپەن – 676,0 مىڭ توننا  ءداندى داقىل جينالدى. 

سونىمەن قاتار، 963 توننا   كوكونىس، 1413 توننا  باقشا، 277 مىڭ توننا  كارتوپ، 281,0 مىڭ توننا  ماقتا، 125,8 مىڭ توننا  جەمىس-جيدەك جانە 64,2 مىڭ توننا ءجۇزىم جينالعان.

96 گەكتارعا  جىلىجاي سالىنىپ، جالپى كولەمى 1121 گەكتارعا جەتىپ وتىر.   بۇگىنگى كۇنى وسى جىلىجايلار ەسەبىنەن    160,0 مىڭ توننا كوكونىس ونىمدەرى جينالعان.

بۇگىنگى كۇنى وبلىستا قايتا وڭدەۋ سالاسىندا 198 كاسىپورىن جۇمىس ىستەيدى.  ولاردىڭ 27-ءسى  ءىرى كاسىپورىندار ساناتىنا جاتادى.

اۋىل شارۋاشىلىعى ونىمدەرىن قايتا وڭدەۋ كولەمى 128,7 ملرد.تەڭگەنى قۇراپ، وتكەن جىلدان 15,2 ملرد.تەڭگەگە  ارتىپ، ناقتى كولەم يندەكسى 104,6 پايىزعا جەتكەن.

Abai.kz 

 

0 پىكىر