جۇما, 29 ناۋرىز 2024
جاڭالىقتار 4078 0 پىكىر 25 جەلتوقسان, 2016 ساعات 15:10

وӊتۇستىك ديحاندارى تۇركيا مەن قىتايدان ماقتانىӊ جاӊا سۇرپىن اكەلگەن

وӊتۇستىك قازاقستان وبلىسىنىӊ ديحاندارى بيىل العاش رەت تۇركيا مەن قىتايدان ماقتانىӊ جاӊا سۇرپىن اكەلىپ ەككەن. تاجىريبە رەتىندە سەبىلگەن تۇقىم بىتىك شىقتى. مىرزاشولدىك شارۋالار قۋاӊشىلىققا قاراماستان ءتىپتى كەيبىر القاپتاردان 50 تسەنتنەرگە دەيىن ءونىم العان. قازىر وتاندىق عالىمدار جەرگىلىكتى جەردەگى ماقتا سۇرپىن جەتىلدىرۋدى قولعا الدى. ءمىرزاشولدىӊ اپتاپتى ىستىعى مەن قۇرعاقشىلىققا قاراماستان شەتەلدەن اكەلىنىپ سەبىلگەن شيتتەر بىتىك شىققان.بۇنىӊ جەرگىلىكتى تۇقىمعا قاراعاندا بويى الاسا بولعانىمەن كوسەگى كوپ،ونىمدىلىگى جوعارى. ديقاندار سوӊعى 10 جىلدا مۇنداي ماقتا الماعاندارىن ايتىپ وتىر. تاۋەلسىزدىك العان جىلداردان بەرى ديحانشىلىقپەن اينالىسىپ كەلە جاتقان تۇرسىنباي بەرداليەۆ شەتەلدىك سۇرىپتىӊ جەر تالعامايتىنىن ايتادى. ويتكەنى قاتارىنان 6 جىل ەگىن ەگىلگەن جەرگە سەبىلگەن شيت تولىق شىعىپتى. ونىمدىلىگى دە جامان ەمەس، - دەيدى شارۋا. باستىسى، جازدىӊ اپتاپتى ىستىعىندا سۋ بولماي قالعان كەزدە دە ماقتا جاپىراق اشىپ، شاناق تاستاماعان.

تۇرسىنباي بەرداليەۆ، شارۋا قوجالىعىنىӊ قۇرىلتايشىسى: - سۋ تاپشىلىعىنا قاراماي جاقسى ءونىم بەرىپ جاتىر. كۇنباعىستان كەيىن جەردىӊ قۇنارلىلىعى جوعالادى. ول راس. بىراق مىنا تۇركيانىӊ ماقتاسى سول جەردەن وزىنە بار ءتيىمدى دەگەن زاتتاردىӊ ءبارىن الادى ەكەن. مىنە، ونىمدىلىگى جوعارى. مەنىӊ ءوز ويىم وسى ماقتارالدا ءوندىرىلىپ جاتقان شيتتەرگە وسى قاسيەتتەردى ەندىرۋىمىز كەرەك. سوندا ءبىزدىӊ ماقتامىزعا جەتەتىن ماقتا بولمايدى. تاجىريبەلى شارۋا تۇقىمى بولەك ماقتاعا اگروتەحنيكالىق تالاپتاردى تولىق جۇرگىزگەن. سونىӊ ارقاسىندا ەگىن القابىنداعى كەيبىر جەرلەردەن 50 تسەنتنەرگە دەيىن ءونىم الىپ جاتىر ەكەن. وعان قوسا، مۇندا بارلىق جۇمىس تەحنيكانىӊ كۇشىمەن اتقارىلادى. بۇل ءونىمدى جىلدام ءارى ىسىراپسىز جيناپ الۋىنا مۇمكىندىك بەرەدى دەيدى شارۋا.

ال تۇركىستاندىق ديقاندار بيىل ماقتانىӊ جەرگىلىكتى عالىمدار ويلاپ تاپقان جاӊا سۇرپىن ەگىپتى. شارۋا قوجالىق كەلىسىم اياسىندا 300 گەكتار جەرگە وتاندىق شيت سەپكەن. "تۇركىستان" دەگەن اتاۋ العان ماقتا سورتى ورتا ەسەپپەن 35 تسەنتنەردەن ءونىم بەرگەن. ارتىقشىلىعى 10-15 كۇن ەرتە پىسەدى جانە تالشىعى 4-سۇرىپتى.

حابيبۋللا ازيموۆ، شارۋا قوجالىعىنىӊ توراعاسى: - بۇل سۇرىپتىӊ سيپاتتاماسى بويىنشا ونىمدىلىگى گەكتارىنا 40-45 تسەنتنەر. تەز اشىلۋى بۇل بىزگە جاۋىن-شاشىنعا قالماي، ماقتانى تەرىپ الۋعا مۇمكىندىك بەرەدى. ودان كەيىن بۇل ماقتانىӊ تالشىعى 4 سۇرىپقا جاتادى. قازاقستاندا بۇعان دەيىن وندىرىلمەگەن ءتۇرىن ەندى ءوندىرىپ جاتىرمىز. قازاقستانداعى توقىما كاسىپورىندارىندا بۇل تۇرگە سۇرانىس كوپ. وبلىس كولەمىندە بيىل جالپى 109 مىӊ گەكتەر جەرگە ماقتا ەگىلگەن. سونىӊ 1600 گەكتارىنا تۇركيا مەن قىتايدان اكەلىنگەن ءدان سەبىلىپتى. ماماندار جازداعى سۋ تاپشىلىعىنا قاراماستان ونىمدىلىك جامان ەمەس دەپ وتىر.

سەرىك تۇربەكوۆ، وبلىستىق اۋىل شارۋاشىلىعى باسقارماسىنىӊ باسشىسى: - ءبىز تۇسىمدىلىك 27 تسەنتنەردەن بولادى دەپ ەسەپتەگەنبىز. بىراق وزدەرىӊىز بىلەسىزدەر، جازدا مىناۋ سىرداريادان دوستىق كانالىنا سۋ كەلۋى از بولدى. 30 مىӊ گەكتار القابىمىز ۋاقىتىلى سۋ ىشپەي قالدى. سونىӊ سەبەبىنەن بيىل 25-26 تسەنتنەردەن ماقتا تەرەمىز دەپ جۇمىس جاساپ جاتىرمىز.ونىمدىلىك ۇشەۋىندە دە جامان ەمەس.وبلىستىق اۋىل شارۋاشىلىعىنداعىلار ازىرگە ماقتانىӊ شەتەلدىك سۇرپى مەن جەرگىلىكتى تۇقىمدى سالىستىرىپ ايتۋ ەرتەرەك دەپ وتىر. دەگەنمەن بيىلعى اۋا رايى شارۋالاردىӊ الا جازدايعى ەӊبەگىن دەر كەزىندە جيناپ الۋىنا قاراسىپ تۇر، دەپ حابارلايدى جەبە اقپاراتتىق پورتالى.

اباي اقپارات 

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1567
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2261
عيبىرات

قايسار رۋحتى عازيز جان

مۇحتار قۇل-مۇحاممەد 3544