«شەگىرتكەدەن قورىققان ەگىن ەكپەيدى» دەگەن ءتامسىل بار. الايدا، بۇل ءتامسىل وڭتۇستىكقازاقستاندىقتاردى اسا الاڭداتاپيتىن بولدى. ويتكەنى وڭتۇستىك قازاقستان وبلىسىندا بيىل ساياق شەگىرتكەسىنە قارسى جۇمىستار 26,7 مىڭ گا جەرگە جۇرگىزىلىپ، ساياق شەگىرتكەسىنە قارسى كۇرەس جۇمىستارىنا وبلىستىق بيۋدجەتتەن 48 ملن تەڭگە قارجى ءبولىنىپتى. «بۇگىندە بۇل شەگىرتكە تۇرىنەن شارۋالارعا كەلەر قاۋىپ جوق» دەيدى ماماندار.

بۇل تۋرالى اباي-اقپارات وڭتۇستىك قازاقستان وبلىستىق اۋىل شارۋاشىلىعى باسقارماسىنىڭ باسشىسى سەرىك تۇربەكوۆتىڭ سوزىنە سىلتەمە جاساي وتىرىپ حابارلايدى.

باسشىنىڭ ايتۋىنشا، وبلىستا شەگىرتكەلەردىڭ 122 ءتۇرى بولسا، سونىڭ 4 تۇرىنە قارسى زالالسىزداندىرۋ جۇمىستارى جۇرگىزىلگەن. قالعان تۇرىنەن الداعى جىلى دا شارۋالارعا كەلەر قاۋىپ جوق. ساياق شەگىرتكەلەردىڭ شىعۋ ورىندارىندا ماروككالىق شەگىرتكەلەردىڭ ارالاس بولۋىنا بايلانىستى وڭدەۋ جۇمىستارى «وسىمدىك قورعاۋ» مەكەمەسىمەن بىرگە جۇرگىزىلدى. وڭدەۋ جۇمىستارىنا 22 تەحنيكا جۇمىلدىرىلىپ، ناتيجەسىندە 26,7 مىڭ گا جەر زالالسىزداندىرىلعان.

سونداي-اق،  وبلىستىق اۋىل شارۋاشىلىعى باسقارماسىنىڭ باسشىس  وقو اۋماقتىق ينسپەكتسياسى تاراپىنان 91,37 مىڭ گا جەرگە ماروككو شەگىرتكەسىنە قارسى حيميالىق وڭدەۋ جۇمىستارى جۇرگىزىلگەنىن ايتا كەلىپ، الداعى جىلى دا زيانكەس جاندىككە قارسى كۇرەس پارمەندى تۇردە جالعاسىن تابادى دەپ سەندىردى.

اباي-اقپارات