وڭتۇستىك قازاقستان وبلىسىنداعى 1200 ومارتاشى جىلىنا 100 توننا بال وندىرەدى، دەپ حابارلايدى  Abai.kz اقپاراتتىق پورتالى وقو اكىمدىگىنىڭ ءباسپاسوز قىزمەتىنە سىلتەمە جاساي وتىرىپ.

وڭتۇستىك قازاقستان وبلىسىندا بال ارا شارۋاشىلىعىن دامىتۋ ماقساتىندا بىرقاتار جۇمىستار اتقارىلىپ، ونى سەلەكتسيالىق اسىلداندىرۋ جۇمىستارىن جۇرگىزگەنى ءۇشىن ومارتاشىلار ومارتالاردىڭ ءاربىر ۇياشىعىنا مەملەكەت تاراپىنان 3190 تەڭگە كولەمىندە قولداۋ قارجى الىپ وتىر.  

وڭتۇستىكتىڭ ومارتاشىلارىنا قولداۋ كورسەتىپ وتىرعان مەكەمەنىڭ ءبىرى «ىرىس» ميكروقارجى ۇيىمى. اتالعان ۇيىمنان قولداۋ العان شارۋاشىلىقتىڭ ءبىرى «ەكوميود» جشس. سەرىكتەستىك ارا شارۋاشىلىعىن دامىتۋ ءۇشىن قارجى ۇيىمىنان تومەندەتىلگەن جىلدىق مولشەرلەمە نەگىزىندە 5 ملن. تەڭگە نەسيە الىپ، وعان 480 دانا ارا ۇياشىعىن ساتىپ العان. ولار ءار ۇياشىقتان شامامەن 25-30 كگ.، بال اراسىنىڭ ء ونىمىن الادى. بيىل شارۋاشىلىققا اۆستريا مەن ۋكراينا ەلدەرىنەن اسىل تۇقىمدى كارپاتتىق بال ارالارى اكەلىندى. ارانىڭ بۇل تۇرلەرى بالدى جاقسى جينايدى ءارى اۋا-رايىنا جىلدام بەيىمدەلەدى. بالدىڭ اققۋراي جانە تاۋلى تۇرلەرىن وندىرەتىن شارۋاشىلىق وندىرىلگەن ونىمدەرىن قازاقستاننىڭ سولتۇستىك جانە ورتالىق وبلاستارىنا جانە كورشى رەسەي ەلىنە ەكسپورتتاعان.

سونداي-اق، وبلىستا بال ارا شارۋاشىلىقتارىن عىلىمي تۇرعىدان سۇيەمەلدەۋمەن اينالىساتىن «وڭتۇستىك-باتىس مال جانە وسىمدىك شارۋاشىلىعى عىلىمي زەرتتەۋ ينستيتۋتى» جشس-دە بال ارا شارۋاشىلىعى سەكتورى جۇمىس جاسايدى. ال بال ارالار انالىعىن قولدان ۇرىقتاندىرۋمەن جك «دەميدوۆ» اينالىسىپ كەلەدى.

اباي-اقپارات