وڭتۇستىك قازاقستان وبلىسى اكىمدىگىندەگى اۋىل شارۋاشىلىعى باسقارماسى ماماندارىنىڭ مالىمەتىنشە، بيىل ءوڭىر ديقاندارى 676 مىڭ توننا (وتكەن جىلمەن سالىستىرعاندا 95 مىڭ تونناعا كوپ) ءونىم جيناپ، بۇرىن-سوڭدى بولماعان ناتيجەگە قول جەتكىزدى دەپ حابارلايدى اباي-اقپارات. ءونىمنىڭ جالپى كولەمىن ورتاشا تۇسىمدىلىككە شاقساڭىز، گەكتارىنا 26 تسەنتنەر ءداندى داقىلدان كەلەدى ەكەن. سونىمەن قاتار، بيىلعى ماۋسىم شارۋالاردىڭ وزگە دە ونىمدەردى كوپتەپ ءوسىرىپ، جيناۋىنا قولايلى احۋال تۋعىزىپ كەلدى. ماسەلەن، وسى ماۋسىمدا جينالعان كوكونىس كولەمى 109 مىڭ تن. ارتىپ، 963 مىڭ تن. بولسا، باقشا ونىمدەرى 30 مىڭ تن. ارتىپ، 1 ملن. 413 مىڭ تن، كارتوپ 22 مىڭ تن. ارتىپ، 277 مىڭ تن، جەمىس-جيدەك 64 مىڭ تن. ارتىپ، 126 مىڭ تن، ءجۇزىم 22 مىڭ تن. ارتىپ، 63 مىڭ توننا بولدى.

مۇنان بولەك، سوڭعى ءۇش جىلدا جەردى جاڭا ادىسپەن يگەرۋ جۇمىستارى جۇرگىزىلۋدە. وسى جىلى تەرەڭ قوپسىتۋ تەحنولوگياسى 86 مىڭ گا ەنگىزىلدى. بۇعان دەيىن تاجىريبە جۇزىندە ماقتادان ورتاشا ەسەپپەن 26–27 تس/گا. ءونىم الىنسا، تەرەڭ قوپسىتۋ تەحنولوگياسىن ەنگىزگەن شارۋاشىلىقتاردان 40–45 تسن/گا. ءونىم الىنۋدا. اتالعان تەحنولوگيانىڭ كاتتى توپىراق ىلعالدىلىعىن ساقتاۋداعى تيىمدىلىگىن ەسكەرە وتىرىپ، بۇل تەحنولوگيانى باسقا دا داقىلدار مەن ءتالىمى جەرلەرگە قولدانۋ ۇسىنىلۋدا.

وقو اكىمدىگى ءباسپاسوز قىزمەتىنىڭ مالىمەتىنشە، بيىل ەگىن شارۋاشىلىعى بويىنشا اۋىل شارۋاشىلىعى داقىلدارىنىڭ كولەمى وتكەن جىلمەن سالىستىرعاندا 12,8 مىڭ گا. ارتىپ، 788,6 مىڭ گا بولدى.

ورتاشا ەسەپپەن رەسپۋبليكا بويىنشا وندىرىلگەن ماقتانىڭ - 100 %، ءجۇزىمنىڭ - 65 %، باقشانىڭ - 66 %، ماقسارىنىڭ - 40 %، جەمىس-جيدەكتىڭ - 31 %، كوكونىستىڭ - 24 % وڭتۇستىك قازاقستان وبلىسىنىڭ ەنشىسىندە.

 اباي-اقپارات