اۋىل شارۋاشىلىعى بيداي وسىرۋگە ماماندانعان وڭتۇستىك قازاقستان وبلىسىنا قاراستى تولە بي اۋدانىندا ەگىن ورۋ ناۋقانى اياقتالىپ، جىل قورىتىندىلاندى. بەينەتتىڭ، توككەن تەر مەن جاسالعان كۇتىمنىڭ مول جەمىسىنە قارىق بولعان تولەبيلىك ديقاندار جىلدى تابىستى اياقتاعان. بۇل تۋرالى «اباي اقپارات» پورتالى وقو اكىمىنىڭ ءباسپاسوز قىزمەتىنە سىلتەمە جاساي وتىرىپ حابارلايدى.

سوڭعى دەرەكتەرگە نازار اۋدارساق، بيىلعى جىلى اۋداندا 20 مىڭ گەكتارعا جۋىق جەرگە استىق ەگىلگەن.

ناۋقانعا بىلەك سىبانا كىرىسكەن اۋدان ديقاندارى جايدارى جازدىڭ ءار ءساتىن قالت جىبەرمەي، استىق ورۋ قارقىنىن ۇدەتە تۇسكەن. سونىڭ ناتيجەسىندە  شارۋالار التىن استىقتى ىسىراپ قىلماي، جينالعان ءداندى قامباعا قۇيدى.  بۇل تۋرالى وقو اكىمىنىڭ ءباسپاسوز قىزمەتىنەن حابارلادى. جالپى اۋداندا 19 859 گەكتار جەرگە استىق ەگىلسە، ونىڭ 12747-ءسى بيداي، ال 7112 گەكتارى ارپا. بۇگىندە شارۋالارەگىلگەن  ارپان مەن بيدايدى تولىق جيناپ الدى. گەكتارىنا 24-26 تسەنتنەر ءونىم الۋدى جوسپارلاپ وتىرعان ديقاندار ءونىمنىڭ ءتۇسىمى بىلتىرعى جىلمەن سالىتىرعاندا 23,5 پايىزعا ارتقانىن ايتادى. التىن وراق كەزىندە 75 كومباين، تاسمالداۋشى 153 جۇك اۆتوكولىكتەر جۇمىلدىرىلعان. ناۋقانعا تارتىلعان بارلىق تەحنيكا قاجەتتى جانار-جاعارمايمەن تولىقتاي قامتاماسىز ەتىلگەن.

اباي اقپارات