وڭتۇستىك قازاقستان وبلىسى اۋىل شارۋاشىلىق ونىمدەرىن مول وندىرەتىن رەسپۋبليكامىزداعى استىقتى ايماق سانالاتىنى بەلگىلى. سونىڭ دالەلى تەرىسكەيدىڭ شارۋالارى بيىل وزبەكستانعا 100 تونناعا جۋىق استىق ونىمدەرىن ەكسپورتتاعان. وڭتۇستىك قازاقستان وبلىسىنىڭ ستاتيستيكا دەپارتامەنتىنىڭ  مالىمەتتەرىنە سۇيەنسەك، اعىمداعى جىلدىڭ جەلتوقسان ايىنداعى ەسەپ بويىنشا وڭتۇستىك شارۋالارى 92 مىڭ توننادان استام ءداندى داقىل ونىمدەرىن الىس-جاقىن شەتەلدەرگە ەكسپورتتاۋدى قولعا العان.

اعىمداعى جىلدىڭ باسىنان باستاپ وڭتۇستىك قازاقستاننان وزبەكستان رەسپۋبليكاسىنا 92,4 مىڭ توننا ءداندى داقىل ەكسپورتتالدى، دەپ حابارلادى وبلىستىڭ ستاتيستيكا دەپارتامەنتى.

وبلىستا وسىمدىك شارۋاشىلىعى ءونىمىن دامىتۋدىڭ ماڭىزدى باعىتتارىنىڭ ءبىرى استىق ءوسىرۋ بولىپ تابىلادى. اي سايىنعى مونيتورينگ جۇمىسىنا سايكەس، 2016 جىلدىڭ 1 قىركۇيەكتەگى جاعدايى بويىنشا، وبلىستا ءداندى- داقىلدار 121,1 مىڭ توننانى قۇرادى.

جىل باسىنان باستاپ 1025,1 مىڭ توننا استىق كىرىسكە الىندى، ونىڭ ىشىندە ساتىلىم – 943,4 مىڭ توننا، تۇقىمعا – 8,5 مىڭ توننا مەن جەم-شوپكە-73,2 مىڭ توننا. ولاردىڭ نەگىزگى ۇلەسى 89,3 پايىز.

دەپارتامەنتتە اعىمداعى جىلدىڭ باسىنان باستاپ وبلىستان 92,4 مىڭ توننا ءداندى- داقىل ەكسپورتتالعانى ايتىلدى، ول وتكەن جىلعىمەن سالىستىرعاندا 12,1 پايىزعا كوپ. استىق وزبەكستان رەسپۋبليكاسىنا ەكسپورتتالدى. ال استىقتىڭ يمپورتى 0,1 تمىڭ توننانى قۇرادى، استىق يراننان اكەلىندى.

Abai.kz