وقو-دا كوكونىس پەن جەمىس-جيدەكتىڭ 70 ءتۇرى وسىرىلەدى، - دەپ حابارلايدى اباي-اقپارات. بۇل - ستاتيستيكا. الايدا وسى 70-ءتىڭ شامامەن 10-12 ءتۇرى عانا كەڭ تارالعان.

جالعىز كارتوپ-پيازبەن الىسقا بارماسىمىز ايان. سوندىقتان ادام اعزاسىنا اسا پايدالى اسكوك، سارىمساق، جۋا، ورامجاپىراق، بۇرىش جانە تاعى دا باسقا ء«شوپ-شالام» القابىن ۇلعايتۋ قاجەت.

رەسپۋبليكانىڭ وڭتۇستىگىندە جوعارىدا اتالعان كوكەنىستەردىڭ بارلىعى دەرلىك وسەدى. «ەڭ باستىسى - اۋەلى ءوزىمىزدى جارىلقاۋ، قالىپ جاتسا، ارتىعىن سىرتقا شىعارۋ - ەرتەڭگى كۇننىڭ ەنشىسى» دەگەن قاعيدامەن جۇمىس ىستەيتىن ماقتارالدىق ديقاندار جىلدان جىلعا ءوندىرىس كولەمىن ۇلعايتۋعا كۇش سالىپ ءجۇر.

ماقتاارال اۋدانىنداعى باۋ-باقشا ونىمدەرىن باپتاۋمەن اينالىساتىن شارۋا قوجالىقتارىنىڭ ءبىرى «حايەت» سەرىكتەستىگى. بۇگىندە جينالعان ءونىمىن ەكسپورتقا شىعارىپ جاتقان قوجالىق يەسى 40 گەكتار جەرگە قاۋىن-قاربىز ەككەنىن، ونىڭ 10 گەكتارى قاربىز، 30 گەكتارى قاۋىن ەكەنىن ايتتى.

بيىلعى جىلى ەككەن ەگىننەن مول ءونىم الىپ 1 گەكتاردان 20 توننا ءمىرزاشول قاۋىنىن العان. ال جالپى 40 گەكتاردان ماۋسىمىنا 1200 توننا قاۋىن-قاربىز جيناعان. وسىلايشا، جىلداعىمەن سالىستىرعاندا ءونىمدى مولىنان الىپ جاتقان ماقتارالدىق ديقاندار الا جازداي ەڭبەكتەرىنىڭ اقتالاتىنىنا قۋانىشتى. ديقاندار 350 مىڭ توننا كوكونىس، 120 مىڭ توننا كارتوپ، 240 مىڭ توننا باقشا ونىمدەرىن جيناعان.

ولار وزدەرىنىڭ ونىمدەرىمەن ەلىمىزدىڭ بارلىق وڭىرلەرىن قامتىپ، ارتىق ونىمدەردى رەسەي مەملەكەتى مەن سولتۇستىك وبلىستارعا جونەلتۋدە.

اباي-اقپارات