جۇما, 13 جەلتوقسان 2019
انىق 5855 0 پىكىر 26 ناۋرىز, 2015 ساعات 04:27

ۇشەۋگە ارنالعان ۇگىت-ناسيحات

بۇگىنگى كۇننەن باستاپ كەرى ەسەپتەۋدى قولعا الساق، ەلىمىزدەگى ەڭ ماڭىزدى ساياسي ناۋقان سانالاتىن قر پرەزيدەنتىنىڭ سايلاۋىنان تۋرا 30 كۇن ۋاقىت قالدى. دەمەك، ءدال بۇگىننەن باستاپ پرەزيدەنتتىككە ۇمىتكەرلەردى تىركەۋ اياقتالىپ، ۇگىت-ناسيحات جۇمىستارى رەسمي باستالۋى ءتيىس.

ورتالىق سايلاۋ كوميسسياسىنان حابارلاعانداي، قر پرەزيدەنتىنىڭ مەرزىمىنەن بۇرىن سايلاۋىنا ءۇش ادام كانديتات بولىپ تىركەلىپ، ۇگىت-ناسيحات جۇمىستارىن باستاۋعا جىبەرىلدى. ولار: «نۇر وتان» پارتياسى ۇسىنعان، ەلىمىزدىڭ قازىرگى پرەزيدەنتى نۇرسۇلتان نازارباەۆ، «قازاقستاننىڭ حالىقتىق كوممۋنيستىك پارتياسى» ۇسىنعان تۇرعىن سىزدىقوۆ جانە ءوزىن-ءوزى ۇسىنۋشى ادىلعازى قۇسايىنوۆ.

قر پرەزيدەنتتىگىنە كانديدات بولىپ تىركەلۋ ءۇشىن ۇمىتكەرلەر سايلاۋشىلاردىڭ 93 مىڭنان استام راستالعان قولىن جيناۋ كەرەك بولاتىن. ەڭ الدىمەن، ن.نازارباەۆ ءوز قولداۋشىلارىنىڭ 560 523 راستالعان قولىن جينادى. ال كەزەكتەن تىس پرەزيدەنتتىك سايلاۋعا ءوزىن-ءوزى ۇسىنعان ابىلعازى قۇسايىنوۆ سايلاۋشىلاردىڭ 132 152, قازاقستاننىڭ كوممۋنيستىك حالىق پارتياسىنىڭ اتىنان كەزەكتەن تىس پرەزيدەنتتىك سايلاۋعا ءتۇسىپ وتىرعان ت.سىزدىقوۆ سايلاۋشىلاردىڭ 98 384 راستالعان قولىن جيناعان.

ەسكە سالا كەتسەك، قر پرەزيدەنتىنىڭ مەرزىمىنەن بۇرىن سايلاۋى 26 ساۋىرگە بەلگىلەنگەن بولاتىن. ەندى الداعى مەرزىم ىشىندە رەسمي تىركەلگەن ءۇش ۇمىتكەر سايلاۋالدى ناۋقانىنا ساي ۇگىت-ناسيحات جۇمىستارىن باستايدى.

اباي-اقپارات.

0 پىكىر