جۇما, 29 ناۋرىز 2024
جاڭالىقتار 4916 0 پىكىر 24 اقپان, 2015 ساعات 14:34

كورمەگە كەل، تاريحىڭدى تانى!

قازاقستان رەسپۋبليكاسى تۇڭعىش پرەزيدەنتىنىڭ مۋزەيىندە بەينەلەۋ جانە ساندىك-قولدانبالى ونەر تۋىندىلارىنىڭ «قازاق حاندىعى: ۇلى دالانىڭ ۇلى بەينەلەرى» اتتى قور كورمەسى وتەدى. بۇل تۋرالى مۋزەيدىڭ ءباسپاسوز قىزمەتى حابارلادى.

ەكسپوزيتسيا العاش رەت ءداستۇرلى قازاق قوعامىنىڭ تاريحي جانە مادەني مۇرالارىن ايعاقتايتىن بىرنەشە مۋزەيلىك جيناقتاردى ۇسىنىپ وتىر. كورمەنىڭ ماقساتى قازاق مەملەكەتتىلىگىنىڭ قالىپتاسۋى مەن نىعايۋىندا ماڭىزدى ورىن العان، قازاق حاندىعى تاريحىنداعى ايتۋلى وقيعالار مەن جارقىن تۇلعالاردى كورسەتۋ.

قازاق حاندىعىنىڭ كەڭ بايتاق كەسكىندەمەلى بەينەسىن تانىمال قازاقستاندىق سۋرەتشىلەر، مۇسىنشىلەر، زەرگەرلەر، جاڭعىرتۋشىلار تۋىندىلارى كوز الدىمىزعا ەلەستەتەدى. ەكسپوزيتسيادا بىرقاتار تاريحي جادىگەرلىكتەر - رەسەي پاتشايىمى ءى ەليزاۆەتانىڭ اتىنان ابىلاي حانعا تارتۋ ەتىلگەن اتاقتى قىلىشتىڭ بولىگى، بولەك باتىردىڭ دۋلىعاسى، سونىمەن قاتار ق.التىنبەكوۆتىڭ تاريحي دالدىكپەن ورىنداعان قازاق حاندارىنىڭ ءمور-جۇزىكتەرى مەن ا.ءابدۋبايتتىڭ التىن زەرلى جىپپەن كەستەلەنگەن كوركەم پاننولارى ماڭىزدى ورىن الادى. كوپتەگەن جادىگەرلەر كوپشىلىك قاۋىمعا العاش رەت ۇسىنىلىپ وتىر. وسىلاردىڭ قاتارىندا قىتايلىق تسين ديناستياسىنىڭ كەزەڭىنە جاتاتىن بىرەگەي پاننولار ماڭىزدى ورىن الادى. ولاردا قىتاي يمپەراتورلارىنىڭ ءارتۇرلى مەملەكەت وكىلدەرىمەن ديپلوماتيالىق سىيلىق الماسۋ ءراسىمى بەينەلەنگەن. وسى ديپلوماتتار قاتارىندا قازاق حاندىعىنىڭ دا وكىلدەرى بار. وسىنداي بىرەگەي، مۇراعاتتىق-بەينەلەۋ دەرەككوزدەرى قحر مۇراعاتتارىنان تابىلعان، ال ولاردىڭ ءدال كوشىرمەلەرى قحر-داعى قر توتەنشە جانە وكىلەتتى ەلشىسى، قازىرگى كەزدە پرەزيدەنتتىڭ كومەكشىسى-قر قاۋىپسىزدىك كەڭەسىنىڭ حاتشىسى ن.ب.ەرمەكباەۆتىڭ باستاماسىمەن جاسالعان بولاتىن.

«قازاق حاندىعى: ۇلى دالانىڭ ۇلى بەينەلەرى» اتتى كورمە 28 قىركۇيەككە دەيىن جالعاسادى.

اباي-اقپارات.

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1570
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2265
عيبىرات

قايسار رۋحتى عازيز جان

مۇحتار قۇل-مۇحاممەد 3564