حالقىمىزدىڭ ارداقتى ۇلدارىنىڭ ءبىرى ولجاس ومارۇلى سۇلەيمەنوۆ اعامىزدى دولينكا كەنتىندەگى قارلاگ مۋزەيىنە اپارىپ كەلدىم. اعامىز ۇلكەن اسەر العان سياقتى. ءار ەكسپوناتپەن ءجىتى تانىسىپ، سۇراقتار قويىپ، 2 ساعات ارالاپ كوردى.

قادىرلى قوناقتار كىتابىنا پىكىرىن جازدى. كەتەردە ءوز وتباسىنا بايلانىستى ءبىر اڭگىمە ايتىپ بەردى. "نۇرلان، مەن 60-شى جىلداردىڭ اياعىندا لەۆ گۋميلەۆپەن كەزدەستىم. مەنىڭ اكەم ومار سۇلەيمەنوۆپەن ءبىر كامەرادا وتىرىپتى.

"ولجاس، سەنىڭ "از ي يا" كىتابىڭا قاتىستى قاتتى شۋ شىعىپ، داۋ كوبەيگەن تۇستا ماعان دا قارسى پىكىر ءبىلدىر دەگەن ۇسىنىستار بولدى. سوندا مەن: "جوق، بۇل جىگىتكە قارسى شىعا المايمىن. ويتكەنى، ونىڭ اكەسى ومارمەن كەزىندە تاپ قاپاستا بىرگە وتىرعانمىن، قيىنشىلىقتى بىرگە كورگەنمىن.

قۋعىن-سۇرگىن قۇربانى بولعان ادامنىڭ ارۋاعى ءۇشىن-اق ونىڭ بالاسىنا قارسى تۇرمايمىن" دەپ جاۋاپ بەردىم دەگەن ەدى. "ميلليونداعان اكەسىنىڭ جاتقان جەرىن بىلمەيتىن، مەن سياقتى، ۇرپاقتار كوپ قوي..." - دەپ تولعانعان ولجاس اعا ل.گۋميلەۆ، ءا.بوكەيحانوۆ، شاكارىم قۇدايبەردىۇلى، مۇستافا شوقاي ت.ب. جايىنداعى ماتەريال، ەكسپوناتتار جانىن اينالشىقتاپ، كوپ ءۇڭىلدى... ماعان جان اكەسى جونىندە دە وسىنداي ءبىر كىشكەنە ۇزىك دەرەك شىعا ما دەگەن ءۇمىتى بولعانداي كورىندى.

نۇرلان دۋلاتبەكوۆتىڭ facebook پاراقشاسىنان الىندى.