بۇگىن كوشى-قون تۋرالى كەيبىر زاڭ اكتىلەرىنە وزگەرتۋلەر مەن تولىقتىرۋلار  ەنگىزۋ جونىندەگى زاڭ جوباسىنا بايلانىستى قۇرىلعان جۇمىس توبىنىڭ العاشقى وتىرىسى بولىپ ءوتتى دەپ حابارلايدى ءماجىلىستىڭ ءباسپاسوز قىزمەتى.

بۇگىنگى وتىرىستا جۇمىس توبى اتالعان زاڭ جوباسىنا بايلانىستى 140 تۇزەتۋدى قاراپ، 94-ءىن قايتا جوندەۋگە جىبەردى. 1 تۇزەتۋدى زاڭ جوباسىن دايىنداعان تاراپ الىپ تاستاعان.

كوشى-قون تۋرالى زاڭ ءماجىلىستىڭ قاراۋىنا 6 قاڭتاردا كەلىپ تۇسكەن. زاڭ جوباسىن دەنساۋلىق ساقتاۋ جانە الەۋمەتتىك دامۋ مينيسترلىگى دايىنداعان. 14 قاڭتاردا مادەني-الەۋمەتتىك دامۋ كوميتەتى زاڭ جوباسىن قاراۋعا العان. ءسويتىپ، مادەني-الەۋمەتتىك دامۋ كوميتەتىنىڭ قاۋلىسىمەن 43 ادامنان تۇراتىن جۇمىس توبى قۇرىلدى. ءماجىلىس دەپۋتاتى گۇلنار سەيىتماعانبەتوۆا جەتەكشىلىك ەتەتىن جۇمىس توبىندا ءماجىلىس دەپۋتاتتارى، دەنساۋلىق ساقتاۋ جانە الەۋمەتتىك دامۋ، ۇلتتىق ەكونوميكا، ەنەرگەتيكا جانە ينۆەستيتسيالىق دامۋ، قارجى، ادىلەت، عىلىم جانە ءبىلىم، سىرتقى ىستەر مينيسترلىكتەرىنىڭ وكىلدەرى جانە ورالمانداردىڭ «اسار» رەسپۋبليكالىق قوعامدىق بىرلەستىگىنىڭ توراعاسى قايرات بوداۋحان، «جەبەۋ» رەسپۋبليكالىق قوعامدىق بىرلەستىگىنىڭ وكىلى اۋىت مۇقيبەك بار.

Abai.kz