الەمدىك اقپارات كوزدەرى بۇگىن اقش پەن رەسەي اراسىندا بولعان «قۇپيا كەلىسىم» تۋرالى حابار تاراتۋدا. ەگەر New York Times گازەتىنىڭ جازۋىنا سەنسەك، اقش رەسەيدىڭ ۋكرايناداعى ءىس-ارەكەتىنە كوز جۇمىپ قويىپ، ءۇنسىز قاراپ وتىرماق.

اتالعان باسىلىم وسى كۇندەرى رەسەيلىك اسكەري بولىمشەلەردىڭ قارۋ-جاراق قۇرالدارى ۋكراينامەن اراداعى شەكارالارعا ورنىعىپ، سەپاراتيستەردىڭ قاراۋىنداعى ايماقتارعا تولىق باقىلۋ ورناتا باستادى دەيدى. New York Times بەلگىسىز «يران-ۋكراين كەلىسىمىن» مەڭزەي كەلە، پۋتين يادرولىق قارۋسىزدانۋ ماسەلەسىندە باتىستىڭ يرانمەن كەلىسسوزىنە جاردەم تۋعىزاتىنىن جازادى. وسى ماسەلەدە توقايلاسقان اق ءۇي مەن كرەمل ءوزارا مۇددەلەستىك تانىتۋدا دەيدى The Daily Beast باسىلىمى. ءسويتىپ، ىلكى ساتتە ءتىل تابىسا قالعاندىقتان وباما ءپۋتيننىڭ ۋكراينا داعدارىسىن بىرجاقتى ەتىپ بىتىرۋىنە ءبىتىم تانىتىپ وتىرعان سياقتى. بۇنىڭ الدىندا فرانتسيا مەن گەرمانيا رەسمي كيەۆتى ەلدىڭ شىعىس ايماعىنا ەرەكشە مارتەبە بەرۋ تۋرالى اڭگىمەگە شاقىرعانى بەلگىلى بولعان ەدى.

اباي-اقپارات