الماتىداعى «رۋح بگ» باسپاسىنان جازۋشى بەيبىت قويشىباەۆتىڭ ء«وزىم تۋرالى» دەپ اتالاتىن كىتاپشاسى جارىق كوردى. مۇندا اۆتور ءوزىنىڭ قالامگەرلىك تىنىس-تىرشىلىگىنىڭ قىر-سىرىنان سىر شەرتەدى. جەكە باسىنىڭ تاجىريبەسىنەن وربىتە وتىرىپ، كوركەم شىعارماشىلىق تابيعاتىن تانۋعا سەپتەسەتىن جايتتەردى تىلگە تيەك ەتەدى.      

ومىرباياندىق كىتاپشا ەكى بولىمنەن تۇرادى. العاشقى بولىمدە اۆتور ءوزىنىڭ ادەبيەتكە كەلۋ جولى مەن جازۋشىلىقتىڭ كىلتىن قالاي تاپقانى، بىرتىندەپ قالىپتاسقان كوزقاراسى جايىندا اڭگىمەلەسە، ەكىنشىسىندە – شىعارماشىلىعىنىڭ باستى ماقساتى حاقىندا وي تولعايدى. كىتاپشادان وقىرمان جازۋشىنىڭ شىعارماشىلىق كونتسەپتسياسىمەن تانىسادى، سونداي-اق، تىنباي ىزدەنۋدىڭ ارقاسىندا قالىپتاستىرعان وزىندىك جۇمىسشى فيلوسوفياسىن تۋىندىلارىن جازۋعا قايتىپ قولدانعانىن، جالپى كوركەم تۋىندى جايىنداعى ويلارىن وقىپ بىلەدى. قالامگەر اڭگىمەلەپ وتىرعان شىعارماشىلىق تاجىريبەنىڭ ادەبيەت زەرتتەۋشىلەرىنە، ادەبيەتتى سۇيەتىن قالىڭ كوپشىلىككە پايدالى ماعلۇماتتار بەرەرى كۇمانسىز. 

كىتاپشا بيوبيبليوگرافيالىق انىقتامالىقپەن جابدىقتالعان. اۆتوردىڭ جەكە باسىلىم تۇرىندە جارىق كورگەن كىتاپتارى تىزىمىنە 33 اتالىم ەنگەن. سونداي-اق قۇراستىرعان جيناقتارى مەن اۋدارمالارىنىڭ دا تىزبەسى (بارلىعى 24 كىتاپ) كەلتىرىلگەن. 

قالامگەردىڭ بۇل عۇمىرنامالىق كىتاپشاسى بيىلعى 70-كە تولاتىن مەرەيجاسى قارساڭىندا، وزىنە جانە ءوزىنىڭ وقىرماندارىنا بەرگەن ەسەبى رەتىندە شىعارىلىپ وتىر.

اباي-اقپارات.

سۋرەتتە  ب.قويشىباەۆتىڭ ء«وزىم تۋرالى» كىتابى