جۇما, 29 ناۋرىز 2024
«سوقىر» فەميدا 6490 4 پىكىر 6 ءساۋىر, 2017 ساعات 10:26

"التىن-وردا" ءۇشىن... 10 ميلليارد...

«التىن وردا» بازارىنىڭ ماڭىنداعى اۆتوجولدى كەڭەيتۋ جۇمىستارى كەلەسى جىلدىڭ ءساۋىر ايىنان باستاپ قولعا الىنادى. پرەمەر-ءمينيستردىڭ ءبىرىنشى ورىنباسارى اسقار مامين الماتى قالاسى مەن وبلىسقا جاساعان جۇمىس ساپارى كەزىندە ءتيىستى مەكەمە باسشىلارىنا وسىنداي تاپسىرما بەردى، - دەپ حابارلايدى اباي-اقپارات.

الماتىدان شىعا بەرىس جولدىڭ ءبارى بازار. "التىن وردا" بازارى دا وسىدان ون شاقتى جىل بۇرىن ۇلكەن جولدىڭ ۇستىنەن "ادەيلىپ" سالىندى. ەگەر دە بازاردى كۇرە جولدان الىس سالىنسا، داعدارىس قىسقان قازىرگىدەي كەزدە بيۋدجەتتەن 10 ميلليارد تەڭگەنى جەلگە شاشپاس ەدىك.

ەندى ءبىزدىڭ شەندىلەر ءتورت جولاقتى اۆتوجولدى ون جولاققا دەيىن كەڭەيتۋدى قولعا الۋعا ءماجبۇر. 10 جولاقتى جول سالۋ قيىن با، بازاردى كوشىرگەن بە؟ ارينە، "التىن وردانى" كوشىرۋ اناعۇرلىم وڭاي بولار ەدى. الماتى بيلىگى ءبىراز بازاردى ورتەپ كوزىن جويعان جوق پا؟ الماتى وبلىسىنىڭ اكىمدىگى ورتەۋ جولىن تاڭداماسا دا، قالانىڭ تىنىسىن تارىلتىپ تاستاعان بازاردى بىرىڭعايلى ەتۋگە بولار ەدى. وعان شاماسى كەلمەگەندەر بىرەر ادامنىڭ مۇددەسى ءۇشىن ون جولاقتى جول سالۋعا ءماجبۇر بولىپ وتىر. وسى جەردە بازار بولماسا، 6 جولاقتى جول حالىقتى ارى دا، بەرى دە ەش قينالىسسىز وتكىزە الار ما ەدى؟

بۇلاي دەيتىن سەبەبىمىز، قازىر قۇلجا كۇرەجولىندا دا "جەتىسۋ" اتتى ۇلكەن بازار سالىندى. ءبىراز جىلدان كەيىن وسى بازار ءۇشىن تاعى دا 10 ميلليارد تەڭگە جۇمساپ، 10 جولاقتى جول سالۋىمىز ابدەن مۇمكىن. تەك "جەتىسۋ" ەمەس، قالانىڭ بارلىق شىعا بەرىسى بازار. وسى ءبىر شەتى بار دا، شەگى جوق بازارلاردىڭ باسىن قوسىپ، ءبىر جەرگە عانا شوعىرلاندىراتىن كەز كەلگەن جوق پا؟.

ءوزىمىز قولدان پروبلەما جاساپ، ونى بيۋدجەتتىڭ اقشاسىمەن شەشۋدى قاشان دوعارار ەكەنبىز؟

ءشارىپحان قايسار

Abai.kz

4 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1576
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2272
عيبىرات

قايسار رۋحتى عازيز جان

مۇحتار قۇل-مۇحاممەد 3589