اكتسياعا قاتىسۋشىلار سوعىس ارداگەرلەرىنىڭ سۋرەتتەرىن ۇستاپ، جەڭىس الاڭىنان جەڭىس ساياباعىنا دەيىن ءجۇرىپ ءوتتى. ميليتسيا قىزمەتكەرلەرى ولارعا كەدەرگى جاساعان جوق.

تاجىكستان سوعىس ارداگەرلەرى وداعىنىڭ توراعاسى شاۆكات ميرزوەۆتىڭ ايتۋىنشا، شەرۋگە شامامەن 500 ادام قاتىستى. ونىڭ ايتۋىنشا، قالا بيلىگى اكتسياعا رەسمي تۇردە تىيىم سالماعان، تەك بۇل اكتسيانى قاۋىپسىزدىك ماقساتىندا وتكىزبەۋىن سۇراعان.

بۇعان دەيىن "حوۆار" مەملەكەتتىك اگەنتتىگى "ماڭگىلىك پولك" اكتسياسى يسلام قۇندىلىقتارىنا ساي بولماعاندىقتان، ونى ەل پرەزيدەنتىنىڭ مەملەكەتتىك ءىس-شارالار تىزىمىنە كىرگىزبەگەنىن حابارلاعان ەدى. تاجىكستان پرەزيدەنتى جانىنداعى ستراتەگيالىق زەرتتەۋلەر ورتالىعىنىڭ ديرەكتورى حۋدويبەردى حوليكنازاروۆتىڭ ايتۋىنشا، اكتسيانى وتكىزبەۋدىڭ ەشقانداي ساياسي استارى جوق، مۇنداي شەشىم قاۋىپسىزدىك ماقساتىندا قابىلدانعان.

«ماڭگىلىك پولك» اكتسياسى بۇرىنعى كسرو-نىڭ بىرقاتار ەلدەرىندە 9 مامىر كۇنى بىرنەشە جىل قاتارىنان ۇيىمداستىرىلىپ كەلەدى.

اباي-اقپارات