قازاقستان پارلامەنتى الەۋمەتتىك مەدساقتاندىرۋ جوباسىن قارجىلاندىرۋعا حقدب-نەن $80 ملن قارىز الۋ تۋرالى كەلىسىمدى ماقۇلدادى، دەپ حابارلايدى قازتاگ.

پارلامەنت سەناتىنىڭ دەپۋتاتتارى كەشەگى القا وتىرىسىندا «قازاقستان رەسپۋبليكاسى مەن حالىقارالىق قايتا قۇرۋ جانە دامۋ بانكى اراسىنداعى قارىز تۋرالى كەلىسىمدى (الەۋمەتتىك مەديتسينالىق ساقتاندىرۋ جوباسى) راتيفيكاتسيالاۋ تۋرالى» قازاقستان رەسپۋبليكاسى زاڭىنىڭ جوباسىن ماقۇلدادى.

حاباردا ايتىلعانداي، قارىزدى وتەۋ مەرزىمى 5 جىلدىق جەڭىلدىك كەزەڭىن قوسقاندا – 15 جىل. جوبانىڭ ماقساتى دەنساۋلىق ساقتاۋ قىزمەتتەرىن كورسەتۋ جۇيەسىنىڭ قولجەتىمدىلىگىن، ساپاسىن جانە ەكونوميكالىق تيىمدىلىگىن ارتتىرۋ جانە ەلەۋلى دەنساۋلىق پروبلەمالارىنان تۋىندايتىن قارجىلىق تاۋەكەلدەردى حالىق ءۇشىن تومەندەتۋ بولىپ تابىلادى.

كەشە عانا "سۇلەيمەنوۆتىڭ ءتىلى نەگە قىشىدى؟" دەگەن ماقالا جازىپ، سىرتقى قارىزدىڭ كوبەيەتىنىن بولجاپ ەدىك. سول ماقالادا "قازاقتىڭ ءتىلىن ماندىتىپ بىلمەيتىن مينيستر مىرزا 12,3 تريلليون دەگەن سومادان دىم قورىقپايتىنىن، دابىل قاعۋدىڭ قاجەتى جوقتىعىن، بۇل جاعدايدى باسقارۋعا قابىلەتتى ەكەنىن ايتىپ اقتالعان. جالپى، ءبىزدىڭ ەلدە دوللار باعامى وسەردەن بىرەر كۇن بۇرىن "دوللار تۇراقتى بولادى" دەگەن سىڭايدا رەسمي مالىمدەمە جاسالۋشى ەدى. سۇلەيمەنوۆتىڭ كەنەت سىرتقى قارىزدى ءسوز ەتە قالۋىنىڭ استارىندا نە جاتىر. "12,3 تريلليوننىڭ ۇستىنە تاعى جاماۋ جامالادى" دەگەن بەلگى ەمەس پە بۇل؟" دەپپىز. ايتقانىمىز ايداي كەلدى.

Abai.kz