«سلاۆيان جازبالارى مەن مادەنيەتى» كۇندەرىن اتاپ ءوتۋ ەلىمىزدە ءداستۇرلى شاراعا اينالعان. كۇنتىزبەدە بەلگىلەنبەگەن تاتۋلىق مەرەكەسى 23 مامىر كۇنى استانا قالاسىندا اتالىپ ءوتتى، - دەپ حابارلايدى "Abai.kz" اقپاراتتىق پورتالى.

كوپۇلتتى قازاقستاننىڭ نەگىزگى بايلىعىن سۇتتەي ۇيىعان جۇزدەن استام ۇلت وكىلدەرى قۇرايدى. سونىڭ ىشىندە سلاۆيان حالىقتارىمەن ءوزارا ۇندەستىگىمىز بەن دوستىعىمىزدىڭ تاريحى تەرەڭدە.

سوندىقتان دا عاسىرلار بويعى جاراسىمدى تىرلىك پەن تۇتاستىقتىڭ جارقىن كورىنىسىن پاش ەتەتىن  اۋقىمدى شارا اياسىندا «تۇركى-سلاۆيان بايلانىسىنداعى ءتىل جانە ادەبيەت: قازىرگى زامان كوزقاراسى» اتتى حالىقارالىق عىلىمي كونفەرەنتسيا ۇيىمداستىرىلدى.

كونفەرەنتسياعا قازاقستان رەسپۋبليكاسىنداعى سلاۆيان جانە تۇركى مەملەكەتتەرى ەلشىلىكتەرىنىڭ وكىلدەرى، عالىمدار مەن قوعام قايراتكەرلەرى، ەتنومادەني بىرلەستىكتەر مەن ەتنواعارتۋشىلىق مەكتەپتەردىڭ قىزمەتكەرلەرى قاتىستى.

باسقوسۋ بارىسىندا قازاقستان ەتنومادەني كەڭىستىگىندەگى سلاۆيان تىلدەرىنىڭ الۋان قىرلى قىزمەتى مەن ولاردى ساقتاپ قالۋ ماسەلەلەرى ءسوز بولدى. ورىس جانە وزگە دە سلاۆيان تىلدەرىن وقىتۋ باعىتىندا جيناقتالعان تاجىريبەلەر تارازىلانىپ، سلاۆيان جانە تۇركى تىلدەرىندەگى ۇقساستىقتار مەن ەرەكشەلىكتەر ەكشەلەندى.

تۇركى جانە سلاۆيان حالىقتارى اراسىنداعى رۋحاني جانە مادەني سالاداعى قارىم-قاتىناستى ودان ءارى نىعايتۋعا باعىتتالعان القالى جيىندا سلاۆيانتانۋ، تۇركىتانۋ، تىلدىك قاتىناس، اۋدارماتانۋ، ادەبيەتتانۋ سالاسىنىڭ عالىمدارى بايانداما جاسالدى. وندا بەلگىلى بولعانداي قۇرلىقتىڭ بەتەن ءبىر بولىگىن - تۇركى جانە سلاۆيان الەمى الىپ جاتىر. سوندىقتان مادەنيەتتەر اراسىنداعى بايلانىستى ارتتىرۋ كۇن تارتىبىندە قاراستىرىلدى.

Abai.kz