...ءيا، انا اتى جوق قالا «قۇدايلارىنىڭ» شىعارمايتىنى جوق!

جامان ىرىم باستاپ، اي مەن كۇننىڭ امانىندا وزدەرىنە «كور» دايىنداتقاندارى نە سۇمدىق؟ پانتەون – ول پاتشا سارايى ەمەس، ولگەندەردى كومەتىن «كور» دەگەن ماعانانى بىلدىرەدى.

سونىمەن بىرگە ءبىزدىڭ قازاقتا: «ولەتىن بالا مولاعا قاشادى» دەگەن دە قاناتتى ءسوز بار!..شەكسىز بيلىك قۇرعان شەنەۋنىكتەر مەن  شىرىگەن بايلاردىڭ نەگە مولاعا اسىعىپ جۇرگەندەرىن تۇسىنە الماي ءجۇرمىن؟

اقىلىم دا، ميىم دا جەتەر ەمەس...

ءتىرى كەزدەرىندە حالىقتان الىس جۇرگەن بۇل مىسكىندەر، ولگەننەن سوڭ دا حالىقتان ءبولىنىپ بولەك جاتپاق پا؟

بۇلاردىڭ دەنى كەشەگى قىزىل بولشەۆيكتەردىڭ ۇرپاقتارى: كوممۋنيستەر مەن لەنينشىل كومسومولدار، ولاردا ءدىن، قۇداي دەگەن ۇعىم جوق. دەمەك پاتەون قۇدايسىزدار جاتاتىن قورىم بولدى عوي...

سولاي-اق بولسىن، ال، ءۇيسىز-كۇيسىز قاڭعىرىپ دالادا قالعان كەلەر ۇرپاق بۇلار سالعان پاتشا سارايىنداي پانتەون دەگەن ولىكتەر ورداسىنا توزە قويار ما ەكەن. يتەرە سالۋعا ءبىر عانا "بۇلدىزەر" جەتەدى...

سودان كەيىن حالىقتان بەزگەندەردىڭ قۋراعىن قۋ سۇيەگى يەسىز ايدالادا قالىپ، يت پەن قۇسقا جەم بولماسىنا كىم كەپىل؟.. شىركىندەر وسىنى دا ءبىر ويلاساشى.

جۇماش كوكبورى

Abai.kz