جۇما, 17 قىركۇيەك 2021
جاڭالىقتار 1969 0 پىكىر 2 قاراشا, 2010 ساعات 04:34

ءاي، «نۇر وتان»، ەقىۇ دان ۇيات بولدى-اۋ

كۇنى كەشە ەلدەگى وبلىستىق، قالالىق جانە اۋداندىق ماسليحاتتارداعى بوساعان دەپۋتاتتىق ورىندارعا سايلاۋ بولىپ ءوتتى. رەسپۋبليكا بويىنشا ءتۇرلى سەبەپپەن قاڭىراپ بوس قالعان ماسليحاتتارداعى جىلى ورىنداردىڭ سانى 63 بولعان. يەسىز قالعان دەپۋتاتتىق كرەسلولارعا تالاسىپ، سايلاۋعا بارلىعى 167 ازامات ءوز كانديداتۋرالارىن ۇسىنعان. ءسويتىپ، سايلاۋ بيۋللەتەندەرىنە 136 كانديتاتتىڭ ەسىمدەرى ەنسە، ولاردىڭ 73 ءى ءوزىن-ءوزى ۇسىنعان، 32 كانديتات قانداي پارتيادا ەكەنىن كورسەتپەگەن. ال، 40 كانديدات بولسا، ەشقانداي پارتياعا مۇشە ەمەس بولىپ شىققان. سويتسە، سايلاۋ ناتيجەسىندە ماسليحاتتارداعى 63 ورىنعا يەلىك ەتىپ شىعا كەلگەن سۋ جاڭا ءماليحات دەپۋتاتتارىنىڭ بارشاسى «نۇر وتان» پارتياسىنىڭ مۇشەلەرى ەكەنى بەلگىلى بولعان.

ال، ەل اۋماعىمەن العاندا، سايلاۋدا داۋىس بەرۋ كەزەڭىن باقىلاپ جانە بيۋللەتەندەردى ساناۋعا باق نىڭ، ساياسي پارتيالاردىڭ، كانديداتتاردىڭ سەنىمدى وكىلدەرى بار 741 ادام قاتىسقان.

 

وسىلايشا، سۋعا سالسا باتپايتىن، وتقا سالسا جانبايتىن «مۇباراك» جۇزدەرى استانادان ەسكەن نۇرعا بالقىعان «نۇر وتان» پارتياسىنىڭ مۇشەلەرى تاعى دا حالىقتىڭ «قولداۋىنا» يە بولىپ، ەل ءسوزىن جەرگىلىكتى بيلىكتىڭ دارگەيىنە جەتكىزىپ، سايلاۋشىلارىنىڭ تىلەك-تالاپتارىن ارقالاپ، ءماسليحاتتىڭ جىلى ءارى ىڭعايلى كرەسلولارىنا بارىپ جايعاستى.

كۇنى كەشە ەلدەگى وبلىستىق، قالالىق جانە اۋداندىق ماسليحاتتارداعى بوساعان دەپۋتاتتىق ورىندارعا سايلاۋ بولىپ ءوتتى. رەسپۋبليكا بويىنشا ءتۇرلى سەبەپپەن قاڭىراپ بوس قالعان ماسليحاتتارداعى جىلى ورىنداردىڭ سانى 63 بولعان. يەسىز قالعان دەپۋتاتتىق كرەسلولارعا تالاسىپ، سايلاۋعا بارلىعى 167 ازامات ءوز كانديداتۋرالارىن ۇسىنعان. ءسويتىپ، سايلاۋ بيۋللەتەندەرىنە 136 كانديتاتتىڭ ەسىمدەرى ەنسە، ولاردىڭ 73 ءى ءوزىن-ءوزى ۇسىنعان، 32 كانديتات قانداي پارتيادا ەكەنىن كورسەتپەگەن. ال، 40 كانديدات بولسا، ەشقانداي پارتياعا مۇشە ەمەس بولىپ شىققان. سويتسە، سايلاۋ ناتيجەسىندە ماسليحاتتارداعى 63 ورىنعا يەلىك ەتىپ شىعا كەلگەن سۋ جاڭا ءماليحات دەپۋتاتتارىنىڭ بارشاسى «نۇر وتان» پارتياسىنىڭ مۇشەلەرى ەكەنى بەلگىلى بولعان.

ال، ەل اۋماعىمەن العاندا، سايلاۋدا داۋىس بەرۋ كەزەڭىن باقىلاپ جانە بيۋللەتەندەردى ساناۋعا باق نىڭ، ساياسي پارتيالاردىڭ، كانديداتتاردىڭ سەنىمدى وكىلدەرى بار 741 ادام قاتىسقان.

 

وسىلايشا، سۋعا سالسا باتپايتىن، وتقا سالسا جانبايتىن «مۇباراك» جۇزدەرى استانادان ەسكەن نۇرعا بالقىعان «نۇر وتان» پارتياسىنىڭ مۇشەلەرى تاعى دا حالىقتىڭ «قولداۋىنا» يە بولىپ، ەل ءسوزىن جەرگىلىكتى بيلىكتىڭ دارگەيىنە جەتكىزىپ، سايلاۋشىلارىنىڭ تىلەك-تالاپتارىن ارقالاپ، ءماسليحاتتىڭ جىلى ءارى ىڭعايلى كرەسلولارىنا بارىپ جايعاستى.

قاراپ وتىرساق، بۇل ءوزى ۇياتتاۋ ءىس بولعانعا ۇقسايدى. ولاي دەيتىنىمىز، استانا الاشاپقىن بولىپ ەقىۇ نىڭ سامميتىنە دايىندالىپ جاتقاندا جەرگىلىكتى بيلىك ەلىمىز توراعالىق ەتىپ وتىرعان حالىقارالىق ۇيىمنىڭ قاعيداتتارىنا قايشى كەلىپ، دەپۋتاتتاردىڭ بارلىعىن ءبىر پارتيادان سايلاپ جىبەرىپ، ونىسىمەن قويماي سايلاۋعا قاتىستى ورتالىق سايلاۋ كوميسسياسىنا ەشقانداي ارىز تۇسكەن جوق ياعني ىڭ-شىڭسىز ءوتتى جانە باقىلاۋشىلاردا ەشقانداي قيعاشتىق بايقاماعانىن جاريا ەتىپ وتىرعانى شىنىمەندە، ەپتەپ ەرتەگىگە ۇقسايدى ەكەن.

البەتتە، ەل نە دەسىن. سايلاۋعا تۇسكەن «نۇر وتان» پارتياسىنىڭ ۇمىتكەرلەرىنە داۋىس بەرىپ، پالەدەن ماشايىق بولعان شىعار. سەبەبى، «نۇر وتان» كەكشىل پارتيا دەپ ەستيمىز. ول وزىنە داۋىس بەرمەگەن سايلاۋشىعا ەكى دۇنيەدە قىرىن قاراپ كەتۋى مۇمكىن. ەل - ءماسليحاتتار جۇرتقا پايداسى تيەتىن ءبىر ءىس قىلادى دەگەننەن شاماسى كۇدەرىن ءۇزىپ العان-اۋ. كىم ءبىلسىن، مۇمكىن ماليحاتتارداعى مىرزالار ءوز سايلاۋشىلارىن مامىراجاي ومىرگە جەتكىزۋ ءۇشىن جان الىپ، جان بەرىپ جارعاق قۇلاعى جاستىققا تيمەي سايلاۋشىلارىنىڭ مۇڭ-زارىنان قابىرعاسى قايىسىپ جۇرگەن شىعار. شىنىمەن دە، «نۇر وتان» پارتياسىنىڭ جەرگىلىكتى جەردەگى مۇشەلەرى سايلاۋشىلارىنا قارلىعاشتاي قاناتىمەن سۋ سەبۋگە تالپىنعان قامقور بولار، مۇمكىن-اۋ. ءاي، بىراق سوڭعى جولدارعا وزىمدە سەنە الماي وتىرمىن. ەرتەگىگە ۇقساپ كەتتى-اۋ دەيمىن.

 

حوش، بوساعان ورىندارعا بولا وتكەن سايلاۋدىڭ سيقى اش ادامنىڭ الدىنان سايلاۋدان سوڭ تويدىرامىن دەپ اس الىپ وتكەندەي بولسا، انە-مىنە، بولۋى مۇمكىن دەسىپ جۇرگەن پارلامەنت سايلاۋىنىڭ دا ستسەناريى تاڭسىق بولماي شىقسا قايتسىن...

ءبارىن قويشى، ەۋروپادان ۇيات بولدى. ۋادەنى ءۇيىپ ەدىك. توراعالىق كەزەڭىندە دە باياعى سوقپاعىمىزدان جاڭىلمايتىنىمىزدى تاعى ءبىر رەت دالەلدەگەندەي بولدىق پا قالاي ءوزى؟! ءتىلىمنىڭ ۇشىنا كەلىپ تۇر، ايتا سالايىن «سۋدان وتكەنشە قىزىڭدى الايىن، سۋدان وتكەن قىزىڭدا ۇرايىن» دەگەن ماقال وسى ءبىر جەرگە وڭتايلى سياقتانادى.  بالكىم، ەۋروپا دا ءبىزدىڭ ەلدە ساياي رەفورمالار ءجۇرىپ، بوستاندىق اتاۋلىنىڭ ۇستەمدىك قۇرعانىن شىن نيەتىمەن قالامايتىن شىعار...

قالاي بولعاندا دا، قانداي سايلاۋ بولسىن كوزىڭىز ءتىرى تۇرعاندا داۋىسىڭىزدى كوڭىلىڭىز قالاماعان كانديداتقا قور قىلا كورمەڭىز، سايلاۋشى!

 

«اباي-اقپارات»

 

0 پىكىر