وسىدان بىرەر اي بۇرىن شقو اكىمىنىڭ «شاتقال» باعدارلاماسى قابىلدانىپ، ول وبلىستىڭ جەرجەرلەرىندە جۇزەگە اسىرىلىپ جاتقان ەدى. وسىعان وراي، ءبىز، بۇل جايت تۇركىستان قالاسى اكىمىنە دە وي سالار، كەزىندە ءوزىمىز ەكتىرگەن الما باۋى جەرىن زاڭسىز جولمەن يەلەنىپ الىپ، مال جايىپ جىبەرگەن «مىقتىعا» توسقاۋىل قويار، ءبىزدىڭ ءبىر جىلدان بەرى جاتقان ارىزىمىزعا لايىق شەشىم قابىلدار دەگەن ويدا بولىپ ەدىك. الايدا ءبىز بۇگىنگى تاڭدا اتالمىش قالا اكىمى تاراپىنان مۇنداي ىسقيمىلدى كورمەي وتىرمىز.

اڭگىمەمىز تۇسىنىكتى بولۋ ءۇشىن، ءبارىن باسىنان باستايىق.

مەنىڭ تۋعان اۋىلىم – «قاراجون» – تۇركىستان اۋدانىنىڭ شالعاي ءبىر تۇكپىرىندە جاتقان ەلدى مەكەن. مۇنداعى تۇرعىنداردىڭ نەگىزگى كۇن كورىسى مالمەن بايلانىستى. جەمىس اعاشىنان بىرەكى جەردە ورىك اعاشتارى بار. الما دەگەن جوقتىڭ قاسى. سول سەبەپتى 1975 جىلى بولسا كەرەك، ەلگە كورىك، ءارى ناپاقا بولسىن دەپ، سول كەزدەگى «مايدامتال» سوۆحوزىنىڭ ديرەكتورى قايىپ باسقوجاەۆقا بارىپ ءجۇرىپ، اۋىلدىڭ كوكورىستى، بۇلاقتان باستاۋ الاتىن ازىناۋلاق سۋى بار «شاشانا» ۋچاسكەسىنە 4 گەكتار الما ەكتىردىم. ونى قورشاۋعا قاجەتتى تەمىر تور مەن تسەمەنت قادالاردى قاسىما سوۆحوزدىڭ باس اگرونومى ءابدىراشيت ورىنبەتوۆتى ەرتىپ، ءار مەكەمە، كاسىپورىندارعا بارىپ ءجۇرىپ، ءوزىم الىپ بەردىم. باۋعا قاراۋعا ەشكىم شىقپاعان سوڭ، قارىنداسىم كۇلزيا مەن كۇيەۋ بالام كولبايدى قاراۋىلباعبان قىلىپ قويدىم.

سوۆەت وداعى ىدىراپ، سوۆحوز تاراعاندا، سول كەزدەگى سوۆحوز ديرەكتورى مىرزان حاندۋللاەۆ جينالىس جاساپ، الما باۋىن قارىنداسىم كۇلزيانىڭ يەلىگىندە قالدىردى. الايدا وسىدان سوڭ «قاراجون» بولىمشەسى «ۇجىمشار» بولدى دا، ونىڭ باستىعى باۋدى تۇركىستان قالاسىندا تۇراتىن ءبىر اعايىنىمىزعا (بۇلاردىڭ ءاتىجونىن ءدال قازىر ءبىز ءسوز ەتكەلى وتىرعان ىسكە ونشالىق قاتىسى بولماعاندىقتان، كورسەتكىمىز كەلمەي وتىر) ساتىپ جىبەردى. بۇل كەزدە قارىنداسىمنىڭ الدىمەن كۇيەۋى قايتىس بولىپ، ودان سوڭ ارمياداعى بالاسى «دەدوۆششينانىڭ» قۇربانى بولىپ، ونىڭ ۇستىنە ءوزىنىڭ دە دەنساۋلىعى بولماي جۇرگەن. كىشى بالاسى ءالى جاس، مەكتەپكە ەندى بارعان. سول سەبەپتى الما باۋىن كىم السا دا، وعان قاراي الاتىن ادامنىڭ الىپ، بۇرىنعىسىنشا ەلگە كورىك بولىپ تۇرا بەرگەنىن دۇرىس كورگەم.

سويتسەم، قاتەلەسىپپىن. ونى جولىم ءتۇسىپ، الما باۋىن بارىپ ءبىر كورگەنىمدە ءبىلدىم. بۇل جولى كورگەنىم – ادەتتە بۇعان دەيىن ءوزىم كورىپ جۇرگەندەي الما باۋى ەمەس، سونىڭ تالانتاراجى شىققان جۇرناعىن عانا كورگەندەي بولدىم. باياعى 4 گەكتار باۋدى قورشاپ تۇرعان تەمىر تور مەن تسەمەنتقادالاردان تۇك قالماعان. اشىقشاشىق. ىشىندە سيىرلار ءورىپ ءجۇر.

سويتسەم، باۋدى ساتىپ العان الگى اعايىنىمىز وسىدان ەكىۇش جىل بۇرىن سوزاقتان كوشىپ كەلگەن ءىنىسى امانتاي يمانبەكوۆكە بەرىپتى. ال ول بولسا، ءوزى سوزاقتا قالىپتى دا، وسى اراداعى الما باۋى سۋارىلاتىن تەمىر قۇبىرلى بۇلاق باسىنا ەكولوگياعا قايشى كەلەتىنىنە قاراماستان، كوك كىرپىشتەن ەكى قاباتتى تام سالدىرىپ، بالاسىن وتىرعىزىپ قويىپتى. بۇل جەردى ءتيىستى قۇجات («گوساكتى») الىپ، زاڭدى تۇردە يەلەنۋ جاعىمەن، الگى اعاسى سەكىلدى، يمانبەكوۆتىڭ دە ءىسى بولماپتى. سويتسەك، بۇل الما باۋى جەرى سوۆحوز تاراپ، الگى اعايىنىمىزدىڭ يەلىگىنە وتكەلى بەرى، دالىرەك ايتقاندا، 2015 جىلدىڭ 17 شىلدەسىنە دەيىن مەملەكەتتىك اكتى بويىنشا تىركەۋگە الىنباپتى. بۇل تۋرالى ءبىزدىڭ ارىزىمىز بويىنشا وسى جەردى تەكسەرىپ قايتقان وبلىستىق جەر قاتىناستار باسقارماسىنىڭ مامانى نۇرلان ابدىرازاقوۆتىڭ تۇركىستان جەر بولىمشەسىنىڭ (ق.ۇسەنباەۆ) مالىمەتىنە سۇيەنىپ، بىزگە بەرگەن انىقتاماسىنان بىلدىك.

وسىدان سوڭ ابدىرازاقوۆ، الما باۋى مەن ونىڭ جەرىن بىلتىرعى كەزگە دەيىن زاڭسىز يەلەنىپ كەلگەن اتالعان ەكى اعايىندىعا بۇل ءۇشىن ايىپپۇل سالىپ، زاڭ جۇزىندە جاۋاپقا تارتىپ، ءتيىستى شارالار قولدانباقشى بولىپ ءجۇردى دە، اقىرىندا مۇنىڭ ءبارىن جايىندا قالدىرىپ، ءبىزدى ەندى الما باۋى جەرىنىڭ تالاپكەرلەرگە قايتا كونكۋرس وتكىزۋ ارقىلى بەرىلەتىندىگىمەن حاباردار ەتتى. تۇركىستان اكىمدىگىنىڭ شەشىمى وسىلاي بولىپتى.

«سوندا بۇل كونكۋرسقا يمانبەكوۆ تە قاتىسا ما؟» – دەيمىز ءبىز.

«قاتىسادى».

«ول وسىدان تورتبەس اي بۇرىن، دالىرەك ايتقاندا، 2015 جىلدىڭ ناۋرىزىندا وسىنداي ءبىر كونكۋرسقا قاتىسىپ، جەڭىسكە جەتكەن كورىنەدى عوي. ەندى نە دەپ قاتىسادى؟».

«قاتىسسا، ول جولى وعان «گوساكتى» بەرىلمەپتى».

«جەڭىسكە جەتكەن بولسا، نەگە بەرىلمەيدى؟».

«ول جاعىن بىلمەدىم. ونى مەنەن ەمەس، تۇركىستان اكىمىنەن سۇراساڭىز بولادى».

ابدىرازاقوۆپەن بولعان بۇل ديالوگ ماعان: «سىزگە بۇل كونكۋرسقا قاتىسقانىڭىزبەن ەشقانداي «شانس» جوق. ماسەلە الدەقاشان يمانبەكوۆتىڭ پايداسىنا شەشىلىپ قويىلعان» دەگەندى اڭعارتقانداي بولدى.

ايتسە دە، ءبىز بۇعان قاراپ، العان بەتىمىزدەن قايتا المادىق. نە دە بولسا، قاتىسىپ كورمەك بولىپ، كونكۋرستىق كوميسسيا اتىنا قۇجاتتارىمىزدى جولداپ (ونى فاكس ارقىلى جىبەردىك), «شاقىرۋ حاتىن» كۇتتىك.

ءسويتىپ جۇرگەنىمىزدە، قولىمىزعا «كونكۋرسقا شاقىرۋ» حاتى ەمەس، وبلىستىق جەر باسقارماسىنىڭ باستىعى س. تۇربەكوۆ قول قويعان (ازىرلەگەن ن.ابدىرازاقوۆ) حات الدىق. وندا، كونكۋرس ءوتىپ، كۇتكەنىمىزدەي، ونىڭ قورىتىندىسى بويىنشا ا. يمانبەكوۆ «جەڭىمپاز» رەتىندە تۇركىستان قالاسى اكىمىنىڭ 18.08.2015 ج.، № 1198 قاۋلىسى نەگىزىندە 280 گەكتار جايىلىمدىق جەر جانە بۇعان قوسا، 7 گەكتار سۋارمالى جەر 10 جىلدىق مەرزىمگە جالعا بەرىلىپ، مەملەكەتتىك اكتىمەن (№19311221103) راسىمدەلىپتى. بۇل قۇجاتتاردا كورسەتىلگەن 7 گەكتار سۋارمالى جەردىڭ 4 گەكتارى – ءبىز داۋلاپ وتىرعان الما باۋى جەرى.

بىزدىڭشە، بۇل قاۋلىنى وندا كورسەتىلگەن ەلدى مەكەننىڭ («قاراجوننىڭ») جايىلىمدىق، سۋارمالى جەرىنىڭ كولەمىن، وعان قاجەتتى سۋ مولشەرىن دۇرىس ەسەپكە الماي، اشەيىن قۇر دولبارمەن جازا سالعان سەكىلدى. ولاي دەيتىنىمىز: ەگەر جايىلىمدىق جەردى مۇنداعى مالىمەن عانا كۇن كورىپ وتىرعان جۇزدەن استام «ءتۇتىننىڭ» اربىرىنە شاعاتىن بولساق، بۇل اۋىلدا، قاۋلىدا كورسەتىلگەندەي، ءبىر ادامعا عانا «ءازىر اسقا – تىك قاسىق» قىپ، ۇيىپتوگىپ بەرە سالاتىنداي، مۇنشالىق (280 گەكتارلىق) جەر جوق.

سول سەكىلدى، قاۋلىدا يمانبەكوۆكە بەرىلگەن «7 گەكتارلىق سۋارمالى جەر» تۋرالى دا وسىنى ايتۋعا بولادى. «قاراجوننىڭ» ءبىر ۋچاسكەسى ەسەپتى، باساياعى نەبارى بىراق شاقىرىمدىق شارشى مەتردەي عانا، بۇل اياداي ايماقتا قاۋلىدا كورسەتىلگەندەي «7 گەكتارلىق سۋارمالى جەر» تۇگىلى، الگى مۇنداعى قازىرگى الما باۋىنا ازەر جەتەتىندەي، كەشەگى سوۆحوز كەزىنەن قالعان ەسكى تەمىر قۇبىردان شىعىپ جاتقان بولماشى بۇلاق سۋىنان باسقا سۋ دا جوق.

قاۋلىعا ەندى ءبىر كوڭىلىمىز تولمايتىنى – ونداعى «7 گەكتار سۋارمالى جەرگە قوسا بەرىلدى» دەپ كورسەتىلگەن، ءبىز ءسوز ەتىپ وتىرعان ءتورت گەكتارلىق الما باۋىنا قاتىستى.

جارايدى، جايىلىمدىق جەردى بەرسىن دەيىك. ال الما باۋى جەرىندە نەسى بار؟ بۇل ارادا يمانبەكوۆكە بەرەتىندەي باسقا جەر جەتپەي قالىپ پا؟ ال ونداعى كەزىندە قانشاما ۋاقىتىمىزدى ءبولىپ ءجۇرىپ، ءوزىمىز ازەر الىپ بەرگەن، بۇل كۇندەرى نە ۇرلانعانى، نە ساتىلىپ قۇرعانى بەلگىسىز – تەمىر تور مەن تسەمەنت قادالار تۋرالى نە ايتۋعا بولادى؟ ولاردى ەندى ءبىز كىمنەن سۇراۋىمىز كەرەك؟ ونىڭ سىرتىنداعى، كولباي مەن كۇلزيانىڭ ون بەس جىل باسىندا وتىرىپ وسىرگەن الما باۋى مەن ونىڭ سىرتىنان باۋعا جەلدەن پانا بولۋ ءۇشىن وزدەرى ەككەن، بۇل كۇندەرى قالىڭ نۋعا اينالىپ، بوي كوتەرىپ تۇرعان اعاش تالدار شە؟ وعان كىم جاۋاپ بەرەدى؟

اقىرىندا، ءبىز بۇل ماسەلەنى كوتەرگەنگە دەيىن، يمانبەكوۆكە كونكۋرس بويىنشا «جەڭىسكە» جەتسە دە، بەرىلمەي كەلگەن «بۇل جايىلىمدىق جەر مەن سۋارمالى جەردى»، وعان تۇركىستان اكىمى اياق استىنان قاۋلى شىعارىپ، قالايشا تەز بەرە قويدى ەكەن؟

وسى سۇراقتاردىڭ جەتەگىمەن، الگى جاۋاپ حاتتى العان سوڭ، «قابىلداۋ كۇنىن» كۇتىپ ءجۇرىپ، وبلىستىق جەر باسقارماسىنىڭ باستىعى س. تۇربەكوۆكە كەلدىك. بۇل كىسىنىڭ قولايىنا تۋرا كەلمەيتىن كەلۋشىنى «قابىلداۋ كۇنى» كەلسەڭ دە، قابىلدامايتىن ادەتى بار ەكەن. ءبىزدىڭ دە سونىڭ كەبىن كيىپ، حاتشى قىزدىڭ «باستىق جوق» دەگەنىنە قاراماستان، قايداعى ءبىر قاعازعا شۇقشيا قاراپ، كابينەتىندە جالعىز ءوزى وتىرعان س. تۇربەكوۆتىڭ الدىنا ەرىكسىز كىرۋىمىزگە تۋرا كەلدى.

وتكەن جولى ارىزىمىز بويىنشا الدىندا ءبىر بولعانىمىزدا س.تۇربەكوۆ: «بۇل اعايىندى ەكەۋ، يمانبەكوۆ دەگەندەر كىمدەر ءوزى؟ بۇلار قايدان شىققان داۋلەر؟ نەگە بۇلارعا زاڭ جۇرمەيدى؟ نەگە بۇلار وسى كەزگە دەيىن جەردى «گوساكتىسىز» يەلەنىپ كەلگەن؟ نەگە بۇلار جاۋاپكەرشىلىككە تارتىلمايدى؟ نەگە يمانبەكوۆتىڭ ءبىر ءوزى عانا قايتاقايتا كونكۋرسقا ءتۇسۋى كەرەك؟!» – دەپ ورىنباسارى ا. مىرزاەۆقا شۇيىلگەن ەدى. سويتسەك، بۇنىسى انشەيىن كوزبوياۋ ەكەن.

ەندى بايقاساق، ول جولعى «دۇلەي كۇش»، «ءدوڭ ايباتتىڭ» ءبىرى دە جوق. تۇكسيىپ، «قاباعىنان قار جاۋىپ» وتىر. ءبىز ناقا ءبىر بىردەڭەسىن ءبۇلدىرىپ قويعان سياقتى.

ءبىز دە سول «قابىلداۋىنا» قاراي، «سالەمدى» بىلاي قويىپ: «مىنا جاۋابىڭىزدى قالاي تۇسىنۋگە بولادى؟» – دەيمىز تۇربەكوۆكە، ءوزى قول قويعان جاۋاپ حاتتى ۇسىنىپ.

«ءسىز ءوزىڭىز كونكۋرسقا كەلمەپسىز عوي...» – دەيدى تۇربەكوۆ بىزگە باعجيا قاراپ.

«كونكۋرستىڭ قاشان بولاتىنىن بىزگە الدىن الا ەشكىم ايتپاسا، شاقىرماسا، قايدان بارامىز؟».

«قالايشا شاقىرمايدى؟...».

تۇربەكوۆ بۇل سۇراعىنا ءبىزدىڭ جاۋابىمىزدى كۇتكەن جوق. حاتشى قىز ارقىلى ءبولىم باستىعى يبراگيم بەگاسىلوۆتى شاقىرىپ الدى دا، وعان قولىنداعى جاڭاعى ءبىز بەرگەن جاۋاپ حاتتى كورسەتىپ:

«بۇل كىسى مىنا ءبىزدىڭ جاۋابىمىزبەن كەلىسپەي وتىر. ءبارى وتىرىك دەيدى. بۇعان نە ايتاسىڭ؟» – دەدى. بەگاسىلوۆ جۋىردا ىسساپارمەن بۇل الما باۋى جەرىن ءوزى دە كورىپ قايتقان ەكەن. باستىعىنىڭ سۇراعىنا سونى العا تارتا جاۋاپ بەردى.

«بۇل كىسى دۇرىس ايتىپ وتىر، – دەدى ول. – بۇل الما باۋىن كەزىندە وسى جەردەگى «ۇجىمشار» باستىعى تۇركىستاندا تۇراتىن ءبىر بازار باستىعىنا ساتقان. ول بولسا، وسىدان ەكىۇش جىل بۇرىن سوزاقتان كوشىپ كەلگەن ءبىر تۋىسىنا بەرگەن. ءسويتىپ، بۇل اعايىندىلار 2015 جىلدىڭ شىلدەسىنە دەيىن بۇل جەردى زاڭسىز يەلەنىپ كەلگەن. «گوساكتىسى» بولماعان. سوعان قاراماستان، بۇل ءۇشىن ولارعا جەرگىلىكتى اكىم دە، قالالىق اكىم دە ەشقانداي شارا قولدانباعان. زاڭ جۇزىندە جاۋاپكەرشىلىككە تارتپاعان. ونىڭ ورنىنا الما باۋى جەرىنە سوڭعى، زاڭسىز يە بولعان يمانبەكوۆ دەگەندى قايتاقايتا كونكۋرسقا قاتىستىرىپ، «زادنيم چيسلومەن» «گوساكتى» جاساپ بەرگەن. قىسقاسى، بۇل جەر سىبايلاس جەمقورلىقتىڭ وشاعىنا اينالعان. بۇل ارادا ءبىزدىڭ دە كىنامىز جوق ەمەس. مەن بۇل تۋرالى ورىنباسارىڭىز ا. مىرزاەۆ پەن وسى ءسوز بولىپ وتىرعان جاۋاپ حاتتى دايىنداپ، سىزگە قول قويدىرعان ن. ابدىرازاقوۆقا ايتىپ، ەسكەرتتىم دە. بىراق ولار مەنىڭ بۇل سوزدەرىمە پىسقىرعان دا جوق».

بەگاسىلوۆتىڭ بۇل سوزدەرى تۇربەكوۆكە ۇنامادى. ۇناماعانى سول – ودان ءارى تىڭداعىسى كەلمەدى. جاڭاعى بىزبەن ءۇزىلىپ قالعان ءسوزىن دە قايتىپ جالعاستىرمادى. «اڭگىمە وسىمەن ءبىتتى» دەگەندەي، بەگاسىلوۆپەن دە، بىزبەن دە ءىسى بولماي، الدىنداعى ماناعى شۇقشيىپ قاراپ وتىرعان قاعازىنا قايتا ءۇڭىلدى.

سويتسەك، تۇربەكوۆتىڭ بىزبەن بۇلايشا نەمقۇرايدى سويلەسۋى تەگىن ەمەس ەكەن. بۇل ونىڭ بىزگە: «ەندى بۇل ارىزىڭنىڭ جاۋابىن باسقا ادامنان الاسىڭ» دەگەن ءسوزى ەكەن. ونى تۇربەكوۆتىڭ كوپ ۇزاماي وبلىستىق اۋىل شارۋاشىلىق باسقارماسىنا باستىق بوپ اۋىسىپ كەتكەنىندە بىراق بىلدىك.

تۇربەكوۆ – سوڭعى ءۇشتورت جىلدىڭ ىشىندە وسى باسقارمادا ىستەگەن ءتورتىنشى باستىق ەدى. بۇعان دەيىنگى باستىقتاردىڭ ءبارى (ناقىپبەكوۆ، ايۋبەكوۆ، پانزاربەك دەگەندەر) پارامەن ۇستالىپ، قامالىپ كەتكەن بولاتىن.

ءبىزدىڭ بۇل اڭگىمەنى تۇركىستان قالاسىنىڭ اكىمشىلىگىندە جالعاستىرۋىمىزعا تۋرا كەلدى. الگى ءبىزدىڭ تۇربەكوۆكە جازعانىمىز سەكىلدى، ءۇش رەت جولدانعان ارىزىمىز، قالايشا ەكەنىن بىلمەدىك، ءا.وسەرباەۆ مىرزاعا «جەتپەپتى». سول سەبەپتى  ارىزىمىزدىڭ سوڭعى نۇسقاسىن وسى ارادا اكىمگە ءوز قولىمىزبەن تابىستاۋعا تۋرا كەلدى.

الگى يمانبەكوۆپەن بىرگە كونكۋرسقا ءتۇسۋ ءۇشىن فاكسپەن جولدانعان قۇجاتتارىمىزدىڭ دا قايدا قالعانىن بىلە المادىق. بۇل جايىندا تۇركىستان قالالىق جەر قاتىناستار بولىمشەسىنىڭ باستىعى ق.ۇسەنباەۆ تا ەشتەڭە بىلمەيتىن بولىپ شىقتى. سويتە تۇرا بىزگە: «ءسىز ءوزىڭىز كونكۋرسقا كەلمەدىڭىز عوي»، – دەپ كىنا قويعان بولدى. وزدەرىنىڭ بىزگە بۇل جايىندا الدىن الا حات ارقىلى حابار بەرمەگەنىمەن نەمەسە تەلەفون ارقىلى ءبىر اۋىز ايتپاعانىمەن ءىسى جوق.

وسى ارادا اكىمنىڭ ورىنباسارى ت. مۇساەۆ ۇسەنباەۆتىڭ ءسوزىن «تىرىلتە» سويلەپ، بىزگە: «بۇل كونكۋرس جايىندا گازەتتە دە حابارلاندىرۋ بەرىلدى عوي. كورمەدىڭىز بە؟» – دەپ قالدى.

«ءسىزدىڭ ايتىپ وتىرعانىڭىز قاي گازەت، قاي كونكۋرس جايىنداعى حابارلاندىرۋ؟ مىناۋ ما؟» – دەيمىز ءبىز وزىمىزبەن بىرگە الا كەلگەن قالالىق «تۇركىستان» گازەتىنىڭ 2015 جىلدىڭ 30 ساۋىردەگى نومەرىندە جاريالانعان حابارلاندىرۋدى كورسەتىپ.

«يا، وسى گازەت»، – دەيدى مۇساەۆ.

«مۇنداعى ءتىزىم بويىنشا يمانبەكوۆ 2015 جىلعى 16 ناۋرىزدا وتكەن كونكۋرس جەڭىمپازى بولىپ وتىر عوي. ولاي بولسا، ول وسىدان تورتبەس اي كەيىن، دالىرەك ايتقاندا، ءبىز ءسوز ەتىپ وتىرعان الما باۋى جەرىنىڭ، جوعارىدا اتالعان تەكسەرۋ كورسەتكەندەي، مەملەكەتتىك اكتى بويىنشا بۇرىنسوڭدى تىركەۋگە الىنباعاندىعى انىقتالعان 2015 جىلدىڭ 17 شىلدەسىنەن بەرگى جەردە وتكەن، «ءبىز قاتىسا الماعان» كونكۋرستا قالايشا جەڭىمپاز اتانىپ ءجۇر؟ فاكتىگە جۇگىنسەك، بۇنداي كونكۋرس مۇلدەم وتپەگەن، وتسە، كۇتپەگەن جەردەن مىناداي «تىقىر» تايانعان سوڭ، يمانبەكوۆكە تەزدەتىپ «گوساكتى» بەرۋ ءۇشىن، انشەيىن كوز بوياۋ قىلىپ، فورمالدى تۇردە وتكەن بولىپ شىقپاي ما؟» – دەيمىز ءبىز.

مۇساەۆ ءبىزدىڭ بۇل سۇراعىمىزعا جاۋاپ بەرگەن جوق. ءۇنتۇنسىز قالدى.

وسەرباەۆ، ءسىرا، يمانبەكوۆكە بەرىلگەن «گوساكتىنىڭ» ءوزىن مىناداي تۇيىققا تىرەرىن كۇتپەسە كەرەك، «وسى ايتىپ وتىرعانى شىن با، وتىرىك پە؟» – دەگەندەي، وسى تۇستا ءبىزدىڭ قولىمىزداعى «تۇركىستان» گازەتىنىڭ اتالعان 2015 جىلعى 30 ساۋىردەگى نومەرىنە (№18 (9252) كوز توقتاتىپ، ءبىر قاراپ قويدى.

الما باۋى جەرىنە قاتىستى تۇركىستان قالاسى اكىمشىلىگى باسشىلىعىمەن بولعان ءبىزدىڭ اڭگىمەمىز وسىلاي اياقتالعان ەدى. كەتەر كەزدە اكىمگە مانالى بەرى كوڭىلىمىزدى مازالاعان سوڭعى سۇراعىمىزدى قويدىق:

«بىزدىڭشە، وسى جەرگە قاتىستى ىستە كوررۋپتسيا ورىن العان سەكىلدى. ءسىز قالاي قارايسىز بۇعان؟».

وسەرباەۆ ءبىزدىڭ بۇل سۇراعىمىزدى ءۇنسىز ماقۇلداپ، باسىن يزەپ جاۋاپ بەردى. سوسىن بىزگە: «ءسىز بۇل ءۇشىن الاڭ بولماياق قويىڭىز. ءبىز بۇل ماسەلەنى شەشەمىز»، – دەدى.

سودان بەرى، مىنە، ءبىر جىلداي ۋاقىت ءوتتى. «شەشكەن» ەشتەڭەسى جوق. نە جازبا تۇردە بەرگەن جاۋابى جوق. نە بولعانىن بىلمەك بوپ زۆونداساق، تەلەفوندى كومەكشىسى (ن.نۇرتاي) الادى دا، ءسوزىن: «باستىق جوق ەدى»، «باستىق جينالىس وتكىزىپ جاتىر ەدى» دەگەن سەكىلدى «دەجۋرنىي»، جالتارما جاۋاپتارمەن بىتىرەدى. ايتەۋىر باستىعى ورنىندا بولماي شىعادى. ءسىرا، بۇل وسەرباەۆتىڭ كومەكشىسىنە: ءبىز سۇراساق «وسىلاي دەپ ايت» دەپ قويعان نۇسقاۋى بولسا كەرەك.

وسىعان قاراعاندا، الگى    س.تۇربەكوۆ قۇساپ، ءا. وسەرباەۆ مىرزا دا بۇل جەردەن گورى، باسقا ءبىر قۇزىرلىلاۋ ورىنعا اۋىسىپ كەتكەلى ءجۇراۋ شاماسى.

وردابەك شاياحمەتوۆ، قازاقستان جۋرناليستەر وداعىنىڭ مۇشەسى

شىمكەنت قالاسى

«وبششەستۆەننايا پوزيتسيا»

(پروەكت «DAT» №22 (386) وت 8 يۋنيا 2017 گ.