جۇما, 7 قازان 2022
3461 1 پىكىر 19 ماۋسىم, 2017 ساعات 10:15

EXPO-2017 كورمەسىنە جالعان بيلەت ساتۋ فاكتىسى تەكسەرىلىپ جاتىر

استاناداعى EXPO-2017 حالىقارالىق كورمەسىنە جالعان بيلەتتەر ساتۋ جاعدايىنا بايلانىستى تەكسەرۋ باستالدى. ۇلتتىق پوشتا وپەراتورىنىڭ ءباسپاسوز حاتشىسى ساۋلە ماقاشوۆانىڭ ايتۋىنشا، مۇنداي بيلەتتەر شىمكەنت قالاسىندا عانا ساتىلعان.

— بيلەتتەردىڭ ءوزى ەمەس، ولاردىڭ كوشىرمەلەرى ساتىلعان. مۇنداي جاعداي شىمكەنت قالاسىندا عانا بولدى، — دەدى ول.

"استانا ەكسپو" كومپانياسى مەن استانانىڭ ىشكى ىستەر دەپارتامەنتى تەرگەۋ باستادى. جالعان بيلەتتەر ساۋداسى تۋرالى العاشقى اقپارات بىرنەشە كۇن بۇرىن پايدا بولدى، دەدى مۇقاشەۆا. ونىڭ ايتۋىنشا، جالعان بيلەتتەرگە "قازپوشتا" شتەمپەلى باسىلعان.

"قازپوشتا" مالىمەتىنە قاراعاندا، قازىرگى تاڭدا وڭتۇستىك قازاقستان وبلىسىنداعى بايلانىس بولىمشەلەرىنەن 8 800 بيلەت ساتىلعان. پوشتا وپەراتورى مالىمەتى بويىنشا، جالعان بيلەتتەر شىمكەنت اكىمشىلىگى مەن قالالىق ءبىلىم باسقارماسىندا تاراتىلعان.

اباي-اقپارات

1 پىكىر