جۇما, 7 قازان 2022
4812 8 پىكىر 21 ماۋسىم, 2017 ساعات 11:38

ءپۋتيننىڭ وتىرىگى اشكەرە بولدى

رەسەي پرەزيدەنتى ۆلاديمير ءپۋتيننىڭ رەجيسسەر وليۆەر ستوۋنعا سيرياداعى رەسەيلىك اۆياتسيا دەپ كورسەتكەن ۆيدەوسى 2013 جىلى اۋعانستاندا تۇسىرىلگەن امەريكالىق ۆيدەو بولىپ شىقتى.

بۇل تۋرالى تاۋەلسىز Conflict Intelligence Team (CIT) زەرتتەۋ توبى حابارلادى.

 "پۋتينمەن سۇحبات" سەريالىندا رەسەي پرەزيدەنتى ستوۋنعا ءموبيلدى قۇرالمەن ۆيدەو كورسەتىپ، ونى سيرياداعى رەسەيلىك ۇشقىشتاردىڭ جۇمىسى رەتىندە تانىستىرعان. شىن مانىندە ول ۆيدەو اۋعانستانداعى اسكەري ۇرىس كەزىندەگى امەريكالىق "اپاچ" تىكۇشاعىنىڭ ارەكەتى بولىپ شىقتى. ول ۆيدەونىڭ ۇستىنە كەيىن دونباستاعى ۋكراينالىق ۇشقىشتارمەن كەلىسسوزدەردىڭ تاسپاسى سالىنعان، - دەپ جازدى CIT.
ستوۋننىڭ "پۋتينمەن سۇحبات" دەپ اتالاتىن ءتورت سەريالى دەرەكتى ءفيلمى رەسەيلىك پرەزيدەنتپەن اڭگىمەگە نەگىزدەلگەن. رەجيسسەر 20 ساعاتتىق سۇحبات جازعان. جاقىندا بۇل ءفيلمدى امەريكالىق Showtime كابەلدىك تەلەارناسى كورسەتتى. رەسەيدە ءفيلمنىڭ پرەمەراسى ءبىرىنشى ارنادا 19 ماۋسىمدا كورسەتىلدى.
وليۆەر ستوۋن – تانىمال امەريكالىق رەجيسسەر جانە ستسەناريست، ءۇش "وسكار" سىيلىعىنىڭ يەگەرى. ول فيدەل كاسترو، ۋگو چاۆەس، ەۆو مورالەس تۋرالى فيلمدەر تۇسىرگەن.
اباي-اقپارات
8 پىكىر