قىرعىز وتباسى جاڭا تۋعان ەگىزدىڭ سىڭارىن پەرزەنتحانا دارىگەرلەرى ۇرلادى دەيدى
قىرعىزستانداعى ىستىقكول وبلىسىنىڭ تۇرعىنى دانيار چىبىەۆ پەرزەنتحانا دارىگەرلەرىن جاڭا تۋعان ەگىزدىڭ سىڭارىن ۇرلاپ الدى دەپ ايىپتادى. تاعى ءبىر نۇسقاسى بويىنشا، ءسابيدى ەشكىم ۇرلاماعان، دارىگەرلەر ەگىزدىڭ سىڭارىن قۇتقارا الماي، ونى جاسىرىپ قالعان بولۋى مۇمكىن.
ماحابات نامازبەكوۆا مەن ونىڭ كۇيەۋى دانيار چىبىەۆ ەگىز بالا كۇتكەنىن، بىراق ەگىزدىڭ سىڭارىن دارىگەرلەر تۋ كەزىندە الىپ قويعانىن ايتتى.
"ايەلىم توعىز بويى سەگىز مارتە ۋزي-دەن ءوتتى. ءبىزدىڭ قولىمىزدا ەگىز ەكەنىن دالەلدەيتىن التى انىقتاما بار. تاعى ەكى انىقتاما جەكەمەنشىك مەكەمە دارىگەرلەرىندە. ولاردى ميليتسيا الادى", - دەيدى دانيار.
دارىگەرلەر ماحابات نامازبەكوۆا ەگىز بوسانعان جاعدايدا، ونى تۋ كەزىندە انىق ءبىلۋى كەرەكتىگىن ايتىپ وتىر. ء"بىز ونىڭ بەلىنە عانا ناركوز سالدىق. ول بوسانۋ ۇستىندە بىزبەن اڭگىمەلەستى. وپەراتسيادان سوڭ سالماعى 3 كەلى 250 گرامم نارەستە دۇنيەگە كەلدى. ءبىر عانا بالا تۋىلعانىن ءبارى كوردى", - دەدى دارىگەر.
اكۋشەر گۇلزات نارىنبەكوۆا ەگىز كۇتكەنىن، بىراق ءبىر عانا بالا تۋىلعانىن راستادى.
شىن مانىندە قالاي بولعانى قىلمىستىق ءىس اياقتالعاندا بەلگىلى بولادى. ءبولىم مەڭگەرۋشىسى ۋاقىتشا جۇمىستان بوساتىلدى.
Abai.kz
