.png)
تاجىكستان مەكتەپتەرىندە اتا-انالاردان اقشا جيناۋعا تىيىم سالىندى
تاجىكستاننىڭ ءبىلىم جانە عىلىم مينيسترلىگى مەكتەپتەگى جوندەۋ جۇمىسىنا اتا-انالاردان اقشا جيناۋعا تىيىم سالدى. ءمينيستردىڭ قاۋلىسى رەسپۋبليكاداعى بارلىق مەكتەپتەرگە تاراتىلدى، دەدى مەكەمە قىزمەتكەرى يكروميددين دوناحونوۆ.
قاۋلىعا سايكەس، مەكتەپتە جوندەۋ جۇمىستارىنا، جيھازعا، ەدەن جۋشىلار مەن كۇزەتشىلەردىڭ ايلىعىنا، مۇعالىمدەرگە سىيلىق الۋعا اقشا جيناۋعا تىيىم سالىنعان.
بۇعان دەيىن دۋشانبە مەرى رۋستام ەمومالي اتا-انالاردان مەكتەپتەر مەن بالا باقشالارداعى جوندەۋ جۇمىستارىنا اقشا جيناۋعا رۇقسات بەرمەگەن ەدى.
تاجىكستاننىڭ كەيبىر مەكتەپتەرىندە وقۋ جىلى اياقتالۋعا جاقىن قالعاندا جوندەۋ جۇمىستارىنا دەپ اقشا جيناي باستاعان. قالا باسشىسىنىڭ حاتىنان سوڭ، ول اشالاردى يەلەرىنە قايتارىپ بەرگەن.
Abai.kz
