استانا بيلىگى قوقىستى تازا قۋاتقا اينالدىرۋ جولدارىن ويلاستىرىپ جاتىر
استانا قالاسىنىڭ اكىمشىلىگى قوقىس وڭدەۋگە ارنالعان جاڭا باعدارلامانى قولعا الدى: قاتتى تۇرمىس قالدىقتارىن تازا قۋات كوزىنە اينالدىراتىن تەحنولوگيا ەنگىزۋ كوزدەلگەن.
قالانىڭ تابيعي رەسۋرستار جانە تابيعاتتى تۇتىنۋدى رەتتەۋ باسقارماسىنىڭ حابارلاۋىنشا، استانادا قاتتى تۇرمىس زاتتارىن جيناۋ جانە تاسۋ جۇمىستارىمەن "Clean City NC" كومپانياسى اينالىسادى. "قوقىس وڭدەۋ زاۋىتىنا بارلىق قالدىقتىڭ 8 پايىزى عانا تۇسەدى، قالعانى پوليگوندا كومىلەدى", - دەيدى مەكەمە وكىلدەرى.
دەگەنمەن، قالدىقتاردى كومەتىن ورىن 95 پايىزعا تولعان. قازىر ەكىنشى پوليگون سالىنىپ جاتىر.
اكىمشىلىكتىڭ حابارلاۋىنشا، قالادان شىعاتىن قوقىس كوبەيە بەرەدى. شەنەۋنىكتەر بۇنى استانا تۇرعىندارىنىڭ كوبەيۋىمەن بايلانىستىرادى.
Abai.kz
