22 شىلدەدە استانادا ءبىر توپ جۋرناليست، بلوگەرلەر اۋىلشارۋاشىلىعى ۆيتسە-ءمينيسترى ەرلان نىسانباەۆ پەن جانە «قازاگرو» ۇلتتىق حولدينگى وكىلدەرىمەن كەزدەسىپ، حولدينگ اتقارىپ جاتقان جۇمىستارمەن تانىسقان ەدى.

«قازاگرو» ۇلتتىق حولدينگى جەلىسى بويىنشا اگروونەركاسىپتىك كەشەن (اوك) قارجىلاندىرۋ جۇيەسىندەگى بىرقاتار ماڭىزدى وزگەرىستەر بولعان ەكەن. جالپى، وسى جاڭا ەرەجەلەر سالانى مەملەكەتتىك قولداۋ شارالارىنىڭ تيىمدىلىگىن جوعارىلاتۋعا جانە ەلدىڭ اۋىل تۇرعىندارى ءۇشىن نەسيە رەسۋرستارىنا قولجەتىمدىلىكتى جانە بارىنشا قامتۋدى قامتاماسىز ەتۋگە باعىتتالعان.

بىرىنشىدەن، «قازاگرو» حولدينگى قۇرىلىمى ارقالى قورلاندىرۋعا قاتىستى جەڭىلدىكتى شاعىن نەسيەلەۋدى شاعىن قارجى ۇيىمدارى مەن نەسيە سەرىكتەستەرى ارقىلى الۋعا بولادى.

ەكىنشىدەن، جۇمىستارىن جاڭا باستاعان كاسىپكەرلەردىڭ كەپىلدىك پروبلەماسىن «قازاگروكەپىل» (كازاگروگارانت) ارقىلى قارىزداردى كەپىلدەندىرۋدىڭ جاڭا جۇيەسى شەشۋگە كومەكتەسەدى.

ۇشىنشىدەن، ينۆەستيتسيالىق جوبالاردى قارجىلاندىرۋعا وتىنىمدەردى اگرارلىق نەسيە كورپوراتسياسى قابىلدايدى.

قازىرگى جاعدايدا «قازاگرو» حولدينگىمەن 5,4 مىڭ نەسيە بەرىلدى، 12 مىڭ ادام جۇمىسپەن قامتىلدى.  اعىمداعى جىلدىڭ 1 قاڭتارىندا قازاگرونىڭ نەسيە قورجىنى  582 ملرد. تەڭگە بولدى.  حولدينگتىڭ كليەنتتەرى 53 مىڭ قارىز ادام.

حولدينگپەن اگروسەكتوردى نەسيەلەۋدىڭ جالپى كولەمىنىڭ  85%-ى شاعىن جانە ورتا بيزنەس سۋبەكتىلەرىنە تيەسىلى. حولدينگتىڭ شاعىن نەسيەلەۋ نارىعىنداعى ۇلەسى 94% بولسا، اۋىلشارۋاشىلىق تەحنيكاسىنىڭ ليزينگى نارىعىنداعى ۇلەسى – 72%.

الايدا، اۋىل شارۋاشىلىعىندا قارجىلاندىرۋدىڭ بارلىق پروبلەمالارى شەشىلدى دەپ ايتۋ ەرتە.  وسى ۋاقىتقا دەيىن الەۋەتتى قارىز الۋشىلاردىڭ كەڭەيتىلگەن توبى ءۇشىن اۋىلدىق جەرلەردە نەسيە رەسۋرستارىنا قولجەتىمدىلىك ماسەلەسى اشىق كۇيىندە قالىپ وتىر.   بۇل ماسەلەنى تەجەۋشى فاكتورلاردىڭ ءبىرى – كوپتەگەن اۋىل تۇرعىندارىنىڭ قاجەت كەپىلزاتتارىنىڭ جەتىسپەۋى نەمەسە بولماۋى.

وسى پروبلەمانى شەشۋ ءۇشىن «قازاگرو» ۇلتتىق حولدينگى اۋىلداعى بيزنەستى نەسيەلەۋ پروتسەسسىنە جەكە قارجى قۇرىلىمدارىن – شاعىن قارجى ۇيىمدارى مەن نەسيە سەرىكتەستىكتەرىن تارتۋ باعدارلاماسىن ازىرلەدى. بۇدان باسقا، حولدينگ اسىرەسە اۋىلداعى جۇمىسىن جاڭا باستاعان كاسىپكەرلەر ءۇشىن ىڭعايلى شاعىن قارىزداردى كەپىلدەندىرۋ جۇيەسىن ەنگىزەدى، ول شاعىن بيزنەسكە كەپىلزاتپەن پروبلەماسى بولعان كەزدىڭ وزىندە نەسيە قاراجاتىن الۋعا جانە ءوز ءىسىن باستاۋعا مۇمكىندىك بەرەدى. جاڭا سحەما ءونىمدى جۇمىسپەن قامتۋدى جانە جاپپاي كاسىپكەرلىكتى دامىتۋ  باعدارلاماسى شەڭبەرىندە ازىرلەندى، ونى ىسكە اسىرۋعا نس جانە شقۇ ارقىلى 6% مولشەرلەمەمەن 11 ملرد.تەڭگە قاراستىرىلعان.   مەملەكەت اتىنان «قازاگروكەپىل» اق كەپىلدىك ەتەدى.

كاسىبىن جاڭا باستاعان كاسىپكەرلەر ءۇشىن كەپىلدىك كولەمى شاعىن نەسيە قۇنىنىڭ  85%-ىن، جۇمىس ىستەپ تۇرعاندار ءۇشىن - 50%-عا دەيىن بولادى. نەسيە سەرىكتەستىكتەرى مەن شاعىن قارجى ۇيىمدارىنىڭ قارىزدارى عانا كەپىلدەندىرىلەدى. وسى رەتتە، اۋىلشارۋاشىلىق تاۋار وندىرۋشىلەرىنە قازاگروكەپىلدىڭ وفيسىنە بارۋدىڭ قاجەت ەمەس ەكەنىن اتاپ ءوتۋ قاجەت، كەپىلدىك الۋ ءۇشىن ءوتىنىم نەسيەلەۋگە قۇجاتتاردىڭ توپتاماسىن وتكىزۋ كەزىندە راسىمدەلەدى جانە ءاشتو تاراپىنان شىعىندى قاجەت ەتپەيدى.

وسىعان ۇقساس اتالعان باعدارلاما اۋىل شارۋاشىلىعىن قارجىلاي قولداۋ قورىمەن دە ىسكە اسىرىلادى. بولىنگەن قارجى رەسۋرسىنىڭ كولەمى  16 ملرد. تەڭگە.

(شاعىن نەسيەلەر باعدارلامانىڭ قاتىسۋشىلارىنا مال شارۋاشىلىعىن دامىتۋعا جانە اۋىلشارۋاشىلىق كووپەراتيۆتەرىن دامىتۋعا باعىتتالعان جوبالار بويىنشا 7 جىلعا دەيىن، باسقا جوبالار بويىنشا – 5 جىلعا دەيىنگى مەرزىمگە بەرىلەدى. باعدارلاما بويىنشا قارىز سوماسى 8000 اەك  (18 152 000 تەڭگە) اسپايدى، سىياقى مولشەرلەمەسى – جىلدىق 6%-دان اسپايدى.)

«قازاگروقارجى» اق باسەكەلەس ورتاعا بەرۋ جونىندەگى بەكىتىلگەن ءىس-شارانى ەسكەرە وتىرىپ، جىلدىڭ باسىنان باستاپ ينۆەستيتسيالىق جوبالاردى قارجىلاندىرۋ بويىنشا بارلىق وتىنىمدەر اگرارلىق نەسيە كورپوراتسياسىندا قابىلدانادى.

وسى رەتتە كومپانيا ينۆەستيتسيالىق جوبالاردى قارجىلاندىرۋدى، سونىڭ ىشىندە قر اشم انىقتاعان باسىم باعىتتاردىڭ كەڭەيتىلگەن سپەكترى بويىنشا ۇلتتىق قوردىڭ قاراجاتى ەسەبىنەن جوسپارلايدى. ەگەر بۇرىن قارجىلاندىرۋ مولشەرلەمەسى 6%-دى قۇراعان بولسا، قازىر ول 5,5%-عا دەيىن تومەندەتىلگەنىن اتاپ ءوتۋ قاجەت.

اڭگىمە مىنا باعىتتار تۋرالى:

-ەت باعىتىنداعى قۇس فابريكالارىنىڭ قۋاتتىلىعىن ارتتىرۋ جانە جاڭارتۋ;

-ءسۇت-تاۋارلى فەرمالار، اسىل تۇقىمدى مال ءوندىرىسىنىڭ ورتالىقتارىن قوسا العانداعى رەپرودۋكتورلار قۇرۋ;

- سۋارۋ جۇيەلەرىن قولدانۋ ارقىلى جەمىس-كوكونىس، تەحنيكالىق جانە ماي داقىلدارىنىڭ ءوندىرىسىن قۇرۋ;

- ونەركاسىپتىك جىلىجايلار، استىق جانە كوكونىس قويمالارىنىڭ جانە كولىك-لوگيستيكالىق ورتالىقتارىنىڭ قۇرىلىسى جانە ت.ب.

جالپى 2016 جىلى اۋىل شارۋاشىلىعىن قارجىلاي قولداۋ قورى اتالعان باعىتتار شەڭبەرىندە 14,5 ملرد. تەڭگە سوماسىنا  4894 جوبانى قارجىلاندىردى.

2017 جىلدىڭ ءبىرىنشى جارتى جىلدىعىندا  – 7,5 ملرد.تەڭگە سوماسىنا 2283 جوبا قارجىلاندىرىلدى.

اعىمداعى جىلدىڭ  I جارتى جىلدىعىنىڭ قورىتىندىسى بويىنشا اوك قولداۋعا 2017-2021 جىلدارعا ارنالعان مەملەكەتتىك باعدارلامانىڭ باسىم باعىتتارى بويىنشا حولدينگپەن  102,9 ملرد. تەڭگە باعىتتالدى.

شامامەن 7 مىڭ اگروونەركاسىپ كەشەنى سۋبەكتىسى قارجىلاندىرىلدى، ول جۇمىس ورىندارىن ساقتاۋعا جانە 11 مىڭ ادامعا جاڭا جۇمىس ورىندارىن اشۋعا مۇمكىندىك  بەردى.  حولدينگپەن اگروسەكتوردى نەسيەلەۋدىڭ جالپى كولەمىنىڭ  88,3%-ى شاعىن جانە ورتا بيزنەس سۋبەكتىلەرىنە تيەسىلى ەكەندىگىن اتاپ ءوتۋ قاجەت  (90,2 ملرد. تەڭگە).

حولدينگ تاراپىنان اگروونەركاسىپ كەشەنىن قارجىلاندىرۋ كولەمى اعىمداعى جىلى 316 ملرد.تەڭگە دەڭگەيىندە جوسپارلانادى، ول 2016 جىلعى دەڭگەيدەن  24%-عا ارتىق (255 ملرد. تەڭگە).

Abai.kz