قازاقستان ەگيپەتتەن ءوز كونسۋلىن قاماۋداعى ستۋدەنتتەرمەن جولىقتىرۋدى سۇرادى
قازاقستان سىرتقى ىستەر ءمينيسترى قايرات ءابدىراحمانوۆ 27 شىلدەدە ەگيپەت سىرتقى ىستەر ءمينيسترى سامەح شۋكريمەن تەلەفون ارقىلى تىلدەسىپ، قازاقستان كونسۋلىن قاماۋدا وتىرعان التى قازاقستاندىق ستۋدەنتپەن جولىقتىرۋدى سۇرادى.
ءابدىراحمانوۆ قازاقستان ەگيپەتتەن ستۋدەنتتەردىڭ ۇستالۋ سەبەبىن، قاماۋدا وتىرعان جەرىن جانە قازىرگى جاعدايلارى تۋرالى اقپارات كۇتەتىنىن ايتقان. ەگيپەت سىرتقى ىستەر ءمينيسترى "بۇل ماسەلەلەردى شەشۋ ءۇشىن بارىنشا جاردەم كورسەتۋگە ۋادە بەرگەن".
قازاقستان سىرتقى ىستەر مينيسترلىگىنىڭ دەرەگىنشە، قازاقستاندىق ستۋدەنتتەردى ەگيپەت ۇلتتىق قاۋىپسىزدىك قىزمەتى ۇستاپ اكەتكەن.
ەگيپەتتە بىرگە پاتەر جالداپ تۇرىپ جاتقان التى قازاقستاندىق 20 شىلدەدەن بەرى بايلانىسقا شىقپاعان. 25 شىلدەدە مينيسترلىك ولاردى پوليتسيا ۇستاعانىن حابارلادى.
Abai.kz
