بىرنەشە الاڭنان تۇراتىن گەرمانيا پاۆيلونى «ەكسپو-2017»  كورمەسىندەگى ەڭ ءىرى پاۆيلون. 1700 شارشى مەتر اۋماقتى الىپ جاتقان پاۆيلون بىرنەشە زالدان تۇرادى. VIP-ايماقتار، نەمىس حالقىنىڭ ۇلتتىق تاعامدارى مەن سۋسىندارىن ۇسىناتىن مەيرامحانالار، گەرمانيا تۋرالى كادەسىيلار مەن بازارلىقتار ساتىلاتىن دۇكەندەر، تب.  سونىمەن بىرگە، پاۆيلوندا 80 ادام جۇمىس ىستەيدى. قىزمەتكەرلەردىڭ 75 پايىزى قازاقستاندىقتار بولسا، قالعان 25 پايىزى گەرمانيادان كەلگەن. كورمە زالدارىنىڭ  بىرىنەن بولاشاقتىڭ قالاسى قانداي بولۋى كەرەك دەگەن ساۋالعا جاۋاپ الساڭىز، ەندى بىرىندە گەرمانيا تۇتىناتىن قۋات كوزدەرىمەن تانىساسىز، كەلەسىسى نەمىس مادەنيەتى مەن اسحاناسىن ۇسىنسا، ەندى بىرىندە جاڭا تەحنولوگيالاردىڭ جەتىستىكتەرى كەلۋشىلەر نازارىنا ۇسىنىلعان.

Smartstick ەلەكتروندى كىلتتەرى مەن Smartpoints باللدارى

گەرمانيا پاۆيلونىندا تابيعات كۇشتەرىن پايدالانا وتىرىپ،ەنەرگيانى ءوندىرۋ، پايدالانۋ جانە ساقتاۋ، تاراتۋدىڭ اقىلدى تاسىلدەرى، يننوۆاتسيالىق تەحنولوگيالارى ۇسىنىلعان. پاۆيلونعا كىرە بەرىستە ءار كەلۋشىگە ءوزى قالاعان تىلدە كودتالعان ارنايى قۇرال بەرىلەدى. ونى «سمارتستيك» دەپ اتايدى، ياعني «اقىلدى تاياقشا» نەمەسە كىلت. بۇل قۇرال قوناقتاردىڭ پاۆيلونداعى جادىگەرلەردى ىسكە قوسىپ، ولار تۋرالى اقپارات الۋعا كومەكتەسەدى. ءبىرىنشى پاۆيلوندا الەمنىڭ ۇلكەيتىلگەن «بولاشاق كارتاسى»  ماكەتى ورنالاسقان. بۇندا ەلىمىزدە گەرمانيانىڭ كومەگىمەن سالىنعان جوبالار كورسەتىلگەن. نەمىستەر بولاشاقتا مۇناي مەن تابيعي گازداردى پايدالانباي-اق پلاستيك ءوندىرىسىن قولعا الماق. وسى جانە وزگە دە جاڭاشىلدىقتارى مەن تەحنولوگيالارى تۋرالى بىرنەشە تىلدە اقپارات بەرەتىن امبەباپ قىزمەتكەرلەرى دە جەتەرلىك.

پاۆيلونعا كەلۋشىلەر بۇدان وزگە وزدەرى تۇتىناتىن ەنەرگيادان دا  كوپ ەنەرگيا وندىرەتىن ۇيلەر، «اقىلدى عيماراتتار» تۋرالى ءبىراز اقپارات الا الادى.

پاۆيلوننىڭ كىرە بەرىسىندە كەلۋشىلەر گەرمانيانىڭ نەگىزگى كورىكتى جەرلەرى مەن نىشاندارى تۋرالى فيلمدەر كورىپ، اقپارات الادى. سونىمەن قاتار رەگەنەراتيۆتى قۋات كوزدەرى تۋرالى بىلەدى.

بولاشاقتا ەنەرگيا ءوندىرۋ مەن قامتاماسىز ەتۋدە ادامزات الدىندا قانداي ماسەلەلەر تۇر?

EXPO-2017 مامانداندىرىلعان كورمەسىندە گەرمانيا پاۆيلونى بولاشاقتا قالا ءومىرى قالاي وزگەرەدى، قانداي كولىك قۇرالدارىن پايدالانامىز جانە قانداي ۇيلەردە ءومىر سۇرەمىز دەگەن سۇراقتارعا بولجام جاساۋدا. بۇل جەردە ءسىز «گەرمانيادا جاسالعان» اتتى ارنايى ەنەرگەتيكالىق ساياساتى تۋرالى بىلە الاسىز.

قابىرعالارعا ىلىنگەن تابيعات سۋرەتتەرى جەل،  كۇن، سۋ، جەر جانە بيوماسسانىڭ قۋاتى مەن ولاردىڭ ۇلكەن الەۋەتىن، جاڭارتىلاتىن ەنەرگيا كوزدەرىن كورسەتەدى.

«بولاشاق قالاسىندا» بالامالى قۋات كوزدەرىنىڭ  ءبىزدىڭ كۇندەلىكتى ومىرىمىزگە اسەرىنە باعىتتالعان. ەرتەڭگى كۇنى قالا ءومىرى قالاي بولادى؟ ءبىز قالاي ءومىر ءسۇرىپ، داميمىز؟ وسى رەتتە گەرمانيا پاۆيلونىندا كەلۋشىلەر نازارىنا «اقىلدى ۇيلەر» ۇسىنىلعان. ولاردىڭ ەرەكشەلىگى سول، تۇتىنعاننان گورى كوپ ەنەرگيا وندىرەتىندىگىندە. سول سياقتى «پارمەندى ءۇي» جاڭا نەمىس ەنەرگەتيكالىق ستاندارتى جانە ەلەكترلى كولىك قۇرىلعىلارى تانىسىتىرىلۋدا.

بولاشاقتىڭ «اقىلدى ۇيلەرى»

كەلۋشىلەر «اقىلدى ءۇي» جادىگەرىنىڭ  ىشكى قۇرىلىسى: تەرەزەلەرى، كىر جۋعىش ماشينا، توڭازىتقىش، تۇرمىستىق ەلەكترونيكا، تب.  گرافيكالىق كوللاجىن كورە الادى. ەلەكتروندى كىلتتىڭ كومەگىمەن كەلۋشىلەر نىسانداردى قوسىپ، ياعني جىلىتۋ جۇيەسى، جارىقتىڭ كۇندەلىكتى ەلەكتر قۋاتىن تۇتىنۋعا قانداي اسەر بەرەتىنىن ءبىلىپ، ونى قاشىقتىقتان قالاي باسقارۋعا بولاتىنىن بىلەدى.

كورمە سوڭىندا قوناقتار ۇلكەن دوڭگەلەك ۇستەلى بار كەڭىستىككە وتەدى. ولار ۇستەل ۇستىنە smartstick قۇرالدارىن قويعاندا، smartpoint ارقىلى جينالعان ەنەرگيا ورتاعا بىرىكتىرىلىپ، لازەرلىك شوۋ پايدا بولادى. قوناقتاردى تاڭعالدىرعان دا وسى ءبولىم. كەلۋشىلەر كەرەمەت اسەرگە بولەنەدى. ادامدار ءوز ارەكەتتەرى ناتيجەسىندە قورشاعان الەم قالاي وزگەرەتىنىن ءدال سول جەردە تاماشالاي الادى.

ساراپشىلار  گەرمانيا پاۆيلونىن «ەكسپو-  كورمەسىندەگى ەڭ ۇزدىك بەس پاۆيلونننىڭ ءبىرى دەپ باعالاۋدا.

زارينا ادىلبەك

Abai.kz