جۇما, 29 ناۋرىز 2024
3842 0 پىكىر 9 تامىز, 2017 ساعات 08:26

پۋتين ابحازيانىڭ "تاۋەلسىزدىگى" مەن "قاۋىپسىزدىگىن" قولدادى

رەسەي پرەزيدەنتى ۆلاديمير ءپۋتيننىڭ مالىمدەۋىنشە، گرۋزيانىڭ جىكشىل ايماعى سانالاتىن ابحازيانىڭ تاۋەلسىزدىگى مەن قاۋىپسىزدىگىنە رەسەي كەپىل بولۋعا ءازىر.

پۋتين 8 تامىزدا پيتسۋندا قالاسىندا ابحازيا باسشىسى راۋل حادجيمبامەن كەزدەستى. "ەڭ باستىسى، ءبىز ابحازيانىڭ دەربەستىگى مەن قاۋىپسىزدىگىن، ونىڭ تاۋەلسىزدىگىنە كەپىل بەرەمىز. سولاي بولا بەرەتىنىنە سەنىمدىمىن", - دەدى پۋتين.

گرۋزيانىڭ سىرتقى ىستەر مينيسترلىگى رەسەي پرەزيدەنتىنىڭ بۇل ساپارىن سىنعا الىپ، بۇنى "گرۋزيا مەملەكەتتىك شەكاراسىن بۇزۋ" جانە "ماسكەۋدىڭ گرۋزياعا قارسى ساياساتىن جالعاستىرۋ" دەپ باعالادى.

ناتو وداعى ءپۋتيننىڭ 2008 جىلعى بەس كۇندىك سوعىسقا توعىز جىل تولعان كۇنى جىكشىل ابحازياعا جاساعان ساپارىن سىنادى. توعىز جىل بۇرىن ماسكەۋ ابحازيانىڭ، سونىمەن بىرگە تاعى ءبىر جىكشىل ايماق - وڭتۇستىك وسەتيانىڭ "تاۋەلسىزدىگىن" مويىندادى.

رەسەي ابحازيا مەن وڭتۇستىك وسەتياعا مىڭداعان اسكەر قىزمەتكەرىن ورنالاستىرعان. گرۋزيا بيلىگى ماسكەۋدى جانە جىكشىلدەردى سوڭعى بىرنەشە ايدا گرۋزين اۋماعىنداعى جاڭا ۋچاسكەلەرگە باقىلاۋ ورناتقانى ءۇشىن ايىپتادى.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1582
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2282
عيبىرات

قايسار رۋحتى عازيز جان

مۇحتار قۇل-مۇحاممەد 3618