حالىقارالىق ۇيىمدار تۇركىمەستاننان تاۋەلسىز جۋرناليستەردى قۋدالاۋدى دوعارۋىن سۇرايدى
حالىقارالىق "حيۋمان رايتس ۆوتچ" (HRW) ادام قۇقىعىن قورعاۋ ۇيىمى مەن "ادام قۇقىعى بويىنشا تۇركىمەن باستاماسى" ۇيىمى ازيا وليمپيادا كەڭەسىنىڭ باسشىلىعىنان تۇركىمەنستان بيلىگىنەن جۋرناليستەردىڭ كاسىبي جۇمىسىن كەدەرگىسىز اتقارۋىن تالاپ ەتۋىن سۇرادى.
وليمپيادا حارتياسى باق بوستاندىعىن قۇرمەتتەۋدى تالاپ ەتەدى، سول سەبەپتى ازيانىڭ وليمپيادا كەڭەسىنىڭ باسشىلىعى ادىلەتسىز باس بوستاندىعىنان ايرىلعان جۋرناليستەردىڭ بوساتىلۋىن تالاپ ەتۋى ءتيىس، دەپ ەسەپتەيدى حالىقارالىق ۇيىمدار.
ولاردىڭ مالىمدەمەسىندە تۇركىمەنستاندا بۇقارالىق اقپارات قۇرالدارى قيىن جاعدايدا جۇمىس ىستەپ جاتقانى ايتىلعان.
تاۋەلسىز جۋرناليست سولتان اچيلوۆا سوڭعى ۋاقىتتا قاتتى قىسىم كوردى، وعان بىرنەشە مارتە شابۋىل جاسالدى.
تۇركىمەنستان بەلسەندىسى گاسپار ماتالاەۆ تا جالعان ايىپتارمەن تۇرمەدە وتىر. ازاتتىق راديوسىنىڭ شتاتتان تىس ءتىلشىسى ساپارمامەد نەپەسكۋليەۆتى 2015 جىلى شىلدەدە قولدان ۇيىمداستىرىلعان ايىپپەن ءۇش جىلعا سوتتادى.
Abai.kz
