وزبەكستان ورتالىق ازيا ەلدەرىنە ايماقتاعى ساياساتىن تانىستىرادى
وزبەكستاننىڭ سىرتقى ىستەر مينيسترلىگى 11 تامىزدا تاشكەنتتە "ورتالىق ازيا - وزبەكستاننىڭ سىرتقى ساياساتىنداعى باسىم باعىت" حالىقارالىق كونفەرەنتسياسىن وتكىزەدى.
ونى ۇيىمداستىرۋعا حالىقارالىق قاتىناستار اقپاراتتىق-ساراپتامالىق ورتالىعى، پروون وكىلدىگى جانە ەقىۇ جوبالاردى ۇيلەستىرۋ كەڭسەسى كومەكتەستى.
فورۋمدا وزبەكستاننىڭ ايماقتاعى ساياساتىنىڭ مازمۇنى مەن ماقساتى كوپشىلىككە تۇسىندىرىلەدى. بۇعان قوسا وزبەكتەر وسى جيىندا ايماقتاقى قاۋىپسىزدىك پەن تۇراقتىلىقتى ارتتىرۋدىڭ نەگىزگى ماسەلەلەرىن كوتەرەدى.
كونفەرەنتسياعا ورتالىق ازيا ەلدەرىنىڭ پارلامەنت دەپۋتاتتارى، ساراپشىلار جانە ساياساتكەرلەر، تاشكەنتتەگى ديپكورپۋس، كورشى ەلدەردەگى وزبەكستان ەلشىلەرى، مينيسترلىك وكىلدەرى، سونىمەن بىرگە جۋرناليستەر، ءسىم ءباسپاسوز قىزمەتتەرى شاقىرىلعان.
Abai.kz
