جۇما, 29 ناۋرىز 2024
4392 0 پىكىر 10 تامىز, 2017 ساعات 08:56

قازاقستان: كۇدىكتىلەردى ازاپتاعان بەس پوليتسەيدى اقتاۋىن سۇرادى

شىعىس قازاقستان وبلىستىق سوتىنىڭ اپەللياتسيالىق ينستانتسياسىندا 9 تامىزدا بەس پوليتسيا قىزمەتكەرىنىڭ ءىسى قارالىپ جاتىر. ولاردى وسكەمەن قالالىق سوتى كىسى ازاپتادى دەپ تانىپ، ارقايسىسىن ءۇش جىلعا سوتتاۋ تۋرالى ۇكىم شىعاردى.

سوت ۇكىمىنە سايكەس، پوليتسيانىڭ ءۇلبى بولىمىندەگىلەر جابىرلەنۋشى ەربول قاسەنوۆتىڭ قولىن ارقانمەن بايلاپ، ەدەنگە جاتقىزىپ، بەس پوليتسەيدىڭ ەكەۋى ونىڭ اياعىنا وتىرعان، تاعى ءبىر پوليتسەي باسىنا پوليەتيلەن پاكەتىن كيگىزىپ، تۇنشىقتىرعان. ولار سول ارقىلى قاسەنوۆكە قىلمىستى مويىنداۋىن تالاپ ەتكەن. ءىس ماتەريالدارى بويىنشا، قاسەنوۆ قىلمىسىن مويىنداعان، ۇرلىق جاساعانى ءۇشىن ءۇش جارىم جىلعا سوتتالعان.

پوليتسەيلەرگە ۇكىم شىعارىلعان سوڭ وبلىستىق پروكۋراتۋرا قارسىلىق ءبىلدىرىپ، ولاردى اقپات شىعۋىن سۇرادى. سوتتالۋشىلاردىڭ ادۆوكاتتارى ولاردىڭ ارەكەتتەرىن دالەلدەيتىن زاتتاي ايعاق جوق دەپ ەسەپتەيدى.

سوت ۇكىمىنەن سوڭ ءۇلبى بولىمشەسىندەگى ونداعان پوليتسيا قىزمەتكەرى وبلىستىق پروكۋراتۋرا الدىندا نارازىلىق اكتسياسىن وتكىزدى. اپەللياتسيالىق شاعىم 11 تامىزدا قارالادى.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1582
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2281
عيبىرات

قايسار رۋحتى عازيز جان

مۇحتار قۇل-مۇحاممەد 3616