تازا اۋاسىنىڭ ءوزى جانعا شيپا وڭتۇستىك قازاقستان وبلىسى تۇلكىباس اۋدانى، كۇمىسباستاۋ اۋىلىندا جاڭا تەحنولوگيامەن قامتاماسىز ەتىلگەن «اQUA SEREBRO» تابيعي بۇلاق سۋى زاۋىتى ىسكە قوسىلدى حابارلايدى اباي-اقپارات

زاۋىتتىڭ جۇمىسىنا جالپى قۇنى 250 ملن قارجى جۇمسالعان. جاڭادان 26 ادام جۇمىسپەن قامتىلىپ وتىر. زاۋىتتىڭ قۋاتتىلىعى ساعاتىنا 1000 دانا 5 ليترلىك جانە 5000 دانا 1 ليترلىك قۇتىداعى اۋىز سۋى شىعارىلادى. زاۋىتتى«ا-سپەكتر» جاۋاپكەرشىلىگى شەكتەۋلى سەرىكتەستىگى جۇزەگە اسىرۋدا.

جاڭا تسەحتاعى بارلىق تەحنولوگيالىق پروتسەسس ساپا ستاندارتتارىنا سايكەس جۇزەگە اسىرىلادى. وندىرىستىك قاباتتا حيميالىق، باكتەريولوگيالىق زەرتحانالاردىڭ ورنالاسۋى ءونىم ساپاسىن جان-جاقتى تەكسەرۋگە اسا قولايلى بولۋدا.

تسەحتىڭ اشىلۋىنا اۋدان اكىمى نۇربول تۇراشبەكوۆ، اۋىل تۇرعىنى م.يبراگيموۆ ءسوز سويلەپ، اۋىل ىشىنەن اشىلىپ وتىرعان تسەحتىڭ جۇمىسىنا ساتتىلىك تىلەدى. زاۋىت لەنتاسى قيىلعان سوڭ قوناقتار تسەحتاردى ارالاپ كورىپ، زاۋىت جۇمىسىمەن تانىستى.

جالپى بۇل زاۋىت ەلباسىنىڭ «بولاشاققا باعدار: رۋحاني جاڭعىرۋ» ماقالاسىنداعى تۋعان جەردى دامىتۋ باعدارلاماسى بويىنشا اۋىلدى دامىتۋ ماقساتىندا اۋىل تۋماسى، زەينەتكەر ج. سۇلتانوۆ قولعا الىپ، اۋىل حالقىن جۇمىسپەن قامتىپ وتىر. كاسىپكەر كەلەشەكتە ءونىم كولەمىن ۇلعايتىپ، تۇتىنۋ نارىعى اياسىن كەڭەيتۋدى جوسپارلاۋدا. تىرشىلىك ءنارى وڭىردەگى بارلىق اۋىل-ايماققا ۇسىنىلىپ، ساۋداعا شىعارىلۋدا.

ايتا كەتەتىن جايت اۋدان اكىمدىگى الداعى ۋاقىتتا وسىنداي تاماشا تابيعات اياسىندا تابيعاتقا زيان كەلمەيتىن ءوندىرىس ورىندارىن سالىپ، ايماق حالقىنا تازا تابيعي ونىمدەرمەن قامتۋدى كوزدەۋدە.

اباي-اقپارات