ەلباسى نۇرسۇلتان ءابىشۇلىنىڭ «بولاشاققا باعدار – رۋحاني جاڭعىرۋ» اتتى باعدارلامالى ماقالاسىندا جازىلعان ماڭىزدى باعىتتار بويىنشا استانا قالاسىندا اۋقىمدى جۇمىستار جۇرگىزىلۋدە. «رۋحاني جاڭعىرۋ» باعدارالاماسى اياسىنداعى «اتامەكەن» باعىتى بويىنشا ەلوردادا جاقىن ۋاقىتتارى 100-گە جۋىق اۋقىمدى ءىس-شارانى ىسكە اسىرۋ ويلاستىرىلعان. ونىڭ ىشىندە «جەرگىلىكتى باستامالار كارتاسى»، «جومارت جۇرەك» سىندى جوبالار بار.

اتالعان جوبالار اياسىندا قايىرىمدىلىق، گۋمانيتارلىق، ىزگىلىكتى اكتسيالار كوبەيەدى دەپ كۇتىلۋدە. ەلوردادا قازىرگى تاڭدا 57 ءىرى كاسىپكەردىڭ باسىن قوسقان مەتسەناتتار كلۋبى قۇرىلادى. بۇل دەمەۋشىلەر قالاداعى ماڭىزدى ينفراقۇرىلىم جوبالارى، مەكتەپ، بالا-باقشا، اۋرۋحانا، ەمحانا، سپورت الاڭدارىن سالۋعا قولداۋ كورسەتەتىن بولادى. قازىردىڭ وزىندە كاسىپكەرلەر بۇل جوباعا ۇلكەن قىزىعۋشىلىق تانىتۋدا. «بيزنەستىڭ الەۋمەتتىك جاۋاپكەرشىلىگى» ۇعىمى اياسىندا كاسىپكەرلەر تاراپىنان دا قايىرىمدىلىق شارالارى جۇرگىزىلۋدە. يگىلىكتى ءىستى وزگەلەرگە ۇلگى ەتۋ ماقساتىندا بۇقارالىق اقپارات قۇرالدارى ارقىلى قايىرىمدىلىق شارالارى تۇراقتى تۇردە جارنامالانۋدا.

سونداي-اق، ەلوردادا تۋىعان ءاربىر نارەستەگە اتا-انالارىنىڭ كوشەت وتىرعىزۋ ءۇردىسى قولعا الىنادى. قورشاعان ورتانى قورعاۋ، ۇلكەندەرگە قۇرمەت كورسەتۋ باعىتىندا كوپتەگەن اكتسيالار، ءىس-شارالار وتكىزىلەتىن بولادى.

اتاقتى ۇستاز ءال-فارابي «قايىرىمدى قالا» تراكتاتىندا ءاربىر ادام باسقا ادامنىڭ ءومىر سۇرۋىنە قولۇشىن بەرەتىن، ادامداردى بىرىكتىرۋ ارقىلى ءوز تابيعاتىنا ساي كەلەتىن دارەجەگە يە بولاتىنىن ايتىپ كەتكەن.  الەمنىڭ ەكىنشى ۇستازى ايتقانداي، استانانى قايىرىمدى، مەيىرىمدى قالاعا اينالدىرۋ جۇمىستارى قىزۋ جۇرگىزىلۋدە.

اباي-اقپارات