قازاقتىڭ ۇكىمەتى قايدا قاراپ وتىر؟ قازاقتىڭ قۇقىق قورعاۋ ورگاندارى، ونىڭ ىشىندە سوت، پروكۋراتۋرا، ادىلەت سالاسى قايدا قاراپ وتىر؟

اۋى مەن باۋى سالاقتاپ، «ءيتتىڭ يتاقايىنا دەيىن جەم» بولىپ جاتقان ەلىمىزدەگى بىرىڭعاي جيناقتاۋشى زەينەتاقى قورى، «اماندىق بولسا»، تاعى 3,7 ميلليارد تەڭگەسىنەن ايرىلىپ قالۋى ابدەن مۇمكىن. راس، بۇعان دەيىن دە بجزق پروبلەمالىق ەميتەنتتەرمەن قولىنان كەلگەنشە كۇرەسىپ كەلگەن ەدى. ءالى دە كۇرەسىپ جاتىر. بىراق وسى پروبلەمالىق ەميتەنتتەر ماسەلەسىنىڭ، جاسىراتىنى جوق، دەر كەزىندە شەشىلمەي، ساعىزشا سوزىلا بەرگەنى كەيبىرەۋلەرگە ءتيىمدى سياقتى. بىراق سوندا كىمگە؟ ۇكىمەتكە مە، الدە بىرىڭعاي جيناقتاۋشى زەينەتاقى قورىنىڭ وزىنە مە؟ الدە پروبلەمالىق ەميتەنتتەرگە مە؟

بۇل ەندى ارنايى جۋرناليستىك زەرتتەۋدى قاجەت ەتەتىن ماسەلە.

ۇكىمەتىمىزدىڭ شەت ەل اسىرىپ، سوسىن قايتا قايتارا الماي جاتقان زەينەتاقى قورىنداعى ميللياردتار ماسەلەسى ءالى دە ىرىڭ-جىرىڭ كۇي كەشىپ جاتقاندا ءوز ىشىمىزدەگى پروبلەمالىق ەميتەنتتەر دە «جاۋ جاعادان العاندا، ءبورى ەتەكتەن الادىنىڭ» كەرىن كەلتىرىپ وتىر.

ءبىر عانا مىسال: ءدال قازىرگى تاڭدا بىرىڭعاي جيناقتاۋشى زەينەتاقى قورى «يمستالكون» اكتسيونەرلىك قوعامى دەگەن الپاۋىتپەن الىسىپ جاتىر. ماسەلە سوتتا قارالۋدا. ويتكەنى «يمستالكوننىڭ» بىرىڭعاي جيناقتاۋشى زەينەتاقى قورىنا قارىزى 3,7 ميلليارد تەڭگەگە جەتىپتى. بجزق-نىڭ باسقارۋشى ديرەكتورى ماۋلەن وتەعۇلوۆتىڭ ايتۋىنا قاراعاندا، قازىرگى تاڭدا قور «يمستالكون» اق-نا قاتىستى قىلمىستىق ءىس قوزعاۋ جونىندە قۇقىق قورعاۋ ورگاندارىنا شاعىم تۇسىرگەن.

مارات ماداليموۆ

Abai.kz