- ءسىزدى ۇلت جاناشىرى ساناتىنداعى ساياساتكەر رەتىندە بىلەمىز. مەملەكەتتىك ءتىلدى دامىتۋ قورىن باسقارىپ جۇرگەن كەزىڭىزدە ءبىراز جاقسى جوبالار جاسادىڭىز. سونىڭ ىشىندە «قازاق الماناعى» جۋرنالىنىڭ جارىققا شىعۋى، قازاق راديوسىنداعى الاش تۇلعالارىن تانىتۋعا قاتىستى باعدارلاماعا قولداۋ جاساۋ، تاعى دا باسقا ءوتىمدى جوبالارىڭىز بار ەدى عوي. سولار اياقسىز قالىپ قويعان جوق پا؟

- جوق، ول جوبالاردى جىگىتتەر جالعاستىرىپ جاتىر. ءوزىم شامام كەلگەنشە كومەكتەسىپ، قولداپ ءجۇرمىن. «قازاق الماناعى»- قازاقتىڭ قايدا بارامىز دەگەن سۇراعىنا جاۋاپ بەرەتىن، ءوز الدىنا بولەك جۋرنال. ءبىز قاراجات، اۆتورلار جاعىن قاراستىرامىز. عىلىمعا جاقىن، ينتەللەكتۋالدىق-زياتكەرلىك جۋرنال. ءوزىنىڭ وقىرمانى بار. گازەتتەن، ينتەرنەتتەن ءبىر ايىرماشىلىعى ساياسي-رۋحاني فورماتقا جاتادى. ءوزىم باستاعان جوبامنان قول ۇزگەن جوقپىن. قازىرگى قىزمەتىم - ۋاقىتشا نارسە، ال رۋحاني دۇنيە - ماڭگىلىك.

- ۇلىتاۋ اۋدانىنان كەيىن ءسىز ءوندىرىستى ورتا - جەزقازعان قالاسىنا اكىم بولىپ باردىڭىز. ول ورتانىڭ قازاقىلىعى، قازاقشىلىعى قالاي ەكەن؟

- ءسىزدى ۇلت جاناشىرى ساناتىنداعى ساياساتكەر رەتىندە بىلەمىز. مەملەكەتتىك ءتىلدى دامىتۋ قورىن باسقارىپ جۇرگەن كەزىڭىزدە ءبىراز جاقسى جوبالار جاسادىڭىز. سونىڭ ىشىندە «قازاق الماناعى» جۋرنالىنىڭ جارىققا شىعۋى، قازاق راديوسىنداعى الاش تۇلعالارىن تانىتۋعا قاتىستى باعدارلاماعا قولداۋ جاساۋ، تاعى دا باسقا ءوتىمدى جوبالارىڭىز بار ەدى عوي. سولار اياقسىز قالىپ قويعان جوق پا؟

- جوق، ول جوبالاردى جىگىتتەر جالعاستىرىپ جاتىر. ءوزىم شامام كەلگەنشە كومەكتەسىپ، قولداپ ءجۇرمىن. «قازاق الماناعى»- قازاقتىڭ قايدا بارامىز دەگەن سۇراعىنا جاۋاپ بەرەتىن، ءوز الدىنا بولەك جۋرنال. ءبىز قاراجات، اۆتورلار جاعىن قاراستىرامىز. عىلىمعا جاقىن، ينتەللەكتۋالدىق-زياتكەرلىك جۋرنال. ءوزىنىڭ وقىرمانى بار. گازەتتەن، ينتەرنەتتەن ءبىر ايىرماشىلىعى ساياسي-رۋحاني فورماتقا جاتادى. ءوزىم باستاعان جوبامنان قول ۇزگەن جوقپىن. قازىرگى قىزمەتىم - ۋاقىتشا نارسە، ال رۋحاني دۇنيە - ماڭگىلىك.

- ۇلىتاۋ اۋدانىنان كەيىن ءسىز ءوندىرىستى ورتا - جەزقازعان قالاسىنا اكىم بولىپ باردىڭىز. ول ورتانىڭ قازاقىلىعى، قازاقشىلىعى قالاي ەكەن؟

- جەزقازعان قازاقى جەر عوي. وزىمەن ءوزى جاتقان ەل. ءوزىنىڭ كۇندەلىكتى كۇن تارتىبىندە تۇرعان ماسەلەلەرى بار. قازىر ۇلتتىق جوبالاردى قولعا الىپ جاتىرمىز. جوبامىزدى ۇلتتىق سيمۆولدار، ۇلتتىق ەسكەرتكىشتەردەن باستادىق. كەلىڭىزدەر، ءبارىن كورسەتەمىز. قايماعى بۇزىلماعان قازاقى ەل، كىشكەنە بولەكتەۋ جاتقانى بولماسا. وكىنىشكە قاراي رەسپۋبليكالىق ماسەلەلەردەن سىرت قالىپ جاتىر. كوپ ايتىلمايدى، كوپ كورسەتىلمەيدى. جەزقازعاننىڭ حالقى دا كوپ ەمەس، ماسەلەلەرى رەسپۋبليكالىق دەڭگەيدە ايتىلا بەرمەيدى. شەتتە قالىپ قالدى دەگەنىم سول.

- ارينە، قايدا بارساڭىز دا ءبىر مەملەكەتتىڭ ىشىندە ءجۇرسىز عوي. دەگەنمەن دە ءسىز ساياسي، رۋحاني ورتادا جاقسى تانىلعان تۇلعاسىز. وسى ساياسي، رۋحاني ورتا ساعىندىرا باستاعان جوق پا؟

- جالپى مەن بۇل جەردە لاۋازىم ءۇشىن جۇرگەن جوقپىن. «قازاق، قازاق» دەپ اۋىزشا ۇرانداتا بەرگەنشە، شىن مانىندە، ءىس جۇزىندە ۇلەسىمدى قوسقىم كەلدى. «ەلگە پايدا تيگىزۋدىڭ ناقتى جولى - اۋىلعا بارىپ قىزمەت ەتۋ»، - دەپ الدىما ماقسات قويدىم. ۇلىتاۋدا قاتتى جۇمىس ىستەپ قويدىم با، بىلمەدىم، ء(ازىل عوي ب.ءا) جەزقازعان قالاسىنا اۋىستىرىپ جىبەردى. بۇگىنگى جۇمىسىمدا دا رۋحاني ماقساتتى العا قويام، قازاقتىڭ بىلىكتىلىگىن كوتەرۋگە تىرىسامىن. ۇلتقا بايلانىستى قىزمەت اتقارىپ جاتىرمىز. شەت-جاعاسىن ەستىگەن شىعارسىز، كەشە عانا كەنەسارى ەسكەرتكىشىن اشتىق. اتىن بەرۋگە قايمىعىپ جۇرگەن قايراتكەرلەردىڭ اتىنان مەكتەپتەر  دە اشىلدى. ماسەلەن، كەشە ءبىر مەكتەپكە قايرات رىسقۇلبەكوۆتىڭ اتىن بەرگىزدىم. سونداي-اق، مۇستافا شوقايدىڭ اتىنا دا ءبىر مەكتەپ بەرىلدى. قايسار قايراتكەرلەرىمىزدى ناسيحاتتاۋ جوبالارىن قولعا الدىق. كەنەسارىنىڭ حان بولعانىنا 170 جىل تولعانىنا، جەلتوقسان كوتەرىلىسىنىڭ 25 جىلدىعىنا قىزۋ دايىندىقتامىز. ۇلت ءۇشىن قۇربان بولعان قايراتكەرلەردىڭ اتىنا مەكتەپ، كوشە بەرىلدى جاقىندا. وتىزىنشى جىلى اشارشىلىققا قارسى كوتەرىلىستە قىرىلعان ادامداردىڭ ەسىمىن تاقتاعا جازدىرىپ، ەسكەرتكىش قويدىق. بۇنىڭ ءبارى ۇلتتى تاربيەلەۋ ماقساتىندا ءجۇرىپ جاتقان شارا. بۇرىن ءبارىن اۋىزشا ايتاتىن ەدىك. قازىر ىسكە اسىپ جاتقانىنا قۋانامىن. قۇداي قالاسا، بولاشاقتا قايتادان ءوزىمنىڭ رۋحاني ورتاما قايتىپ ورالامىن. ايتپەسە، اكىم بولىپ، ۇپاي جينايىن دەگەن نيەتىم جوق.

- «اق جەلكەن» تارالىمى كوپ، جاسوسپىرىمدەر جۋرنالى بولىپ سانالادى. وسسەم دەگەن كەيىنگى جاستارعا نە ايتاسىز؟

- ەڭ باستىسى الدىنا ماقسات قويا ءبىلۋ جانە ارمانداۋ. ەشتەڭەدەن قورىقپاي سول ارمانعا ۇمتىلۋ. جەكە باسىنا عانا ەمەس، ارمانىن ەلىمەن بايلانىستىرا ءبىلۋ كەرەك. سوسىن ءوز-وزىنە سەنۋ كەرەك. قيىندىق اتاۋلىعا مويىماعان ءجون. ادامنىڭ ارمانى - تەمىرقازىعى بولىپ، ەلىنە، ۇلتىنا قىزمەت ەتۋ كەرەك.

اڭگىمەلەسكەن بالجان مۇراتقىزى.

«اق جەلكەن» جۋرنالى، 1-3-بەتتەر، №11, 2010

تۇپنۇسقاداعى تاقىرىپ: ««ەشتەڭەدەن قورىقپاي، ارمانعا ۇمتىلۋ كەرەك»