استانا. 13 جەلتوقسان. قازتاگ – مەملەكەت باسشىسى نۇرسۇلتان نازارباەۆ بەلگىلى قازاقستاندىق جازۋشى يۆان ششەگوليحيننىڭ قايتىس بولۋىنا بايلانىستى مارقۇمنىڭ وتباسىنا كوڭىل ايتۋ جەدەلحاتىن جولدادى، دەپ پرەزيدەنتتىڭ ءباسپاسوز قىزمەتىنەن حابارلادى.

«بۇل بارشا قازاقستاندىقتار ءۇشىن، جەكە مەن ءۇشىن اۋىر قازا. تاماشا ادام، دارىندى تۇلعا ومىردەن ءوتتى. جازۋشى جانە ازامات. بۇل سوزدەر ەڭ جوعارى مانگە يە. يۆان پاۆلوۆيچ بىزگە ءوزىنىڭ ادەبي مۇراسىن، قازاق ادەبيەتى كلاسسيكتەرىنىڭ كاسىبي اۋدارمالارىن قالدىردى. يۆان پاۆلوۆيچ ششەگوليحيننىڭ جارقىن بەينەسى ءاردايىم ءبىزدىڭ جۇرەگىمىزدە ساقتالادى»، دەلىنگەن مەملەكەت باسشىسى جولداعان جەدەلحاتتا.

ي. شەگوليحين 1927-ءشى جىلى قوستاناي وبلىسىندا دۇنيەگە كەلگەن، 1958-ءشى جىلدان بەرى كسرو جازۋشىلار وداعىنىڭ مۇشەسى. ونىڭ تانىمال روماندارى مەن پوۆەستەرى  - «ۆ ودنوم ينستيتۋتە»، «حراني وگون»، «دەفيتسيت»، «نە جالەيۋ نە زوۆۋ نە پلاچۋ»، «ماشينا برەمەني»، «ي سنوۆا ۋترو»، «پياتىي ۋگول»، «سليشكوم دوبروە سەردتسە»، «سنەگا مەتەلنىە»، «شالنايا نەدەليا»، «دولجنوستنىە ليتسا»، «جەلتوە كولەسو»، «حوچۋ ۆەچنوستي»، «حولودنىي كليۋچ زابۆەنيا»، «دەن لازاريا» مەن ت.ب.

ول ەڭ ءبىرىنشى بولىپ ورىس تىلىنە مۇقتار اۋەزوۆتىڭ، ساكەن سەيفۋلليننىڭ، ءسابيت مۇقانوۆتىڭ، مالىك عابدۋليننىڭ جانە باسقا دا قازاق ادەبيەتىنىڭ كلاسسيكتەرىنىڭ شىعارمالارىن اۋداردى.

ي. شەگوليحين تاۋەلسىز قازاقستاننىڭ ساياسي تىرشىلىگىنە بەلسەندى قاتىستى، قر پرەزيدەنتىنىڭ جانىنداعى ۇلتتىق كەڭەس مۇشەسى، جوعارعى كەڭەس دەپۋتاتى، قر پارلامەنتىنىڭ سەناتى بولدى.