سەيسەنبى, 28 ماۋسىم 2022
2490 3 پىكىر 13 جەلتوقسان, 2017 ساعات 09:35

ترامپ "قىرىنداۋعا" بايلانىستى جاۋاپ قايىردى

اقش پرەزيدەنتى دونالد ترامپ وزىنە قاتىستى ايتىلعان «ايەلدەرگە قىرىندادى» دەگەن ايىپتارعا Twitter پاراقشاسىندا جاۋاپ بەردى.

تۆيتتە: "دەموكراتتار ءراسۋا قىلعان مىڭداعان ساعات پەن ميلليونداعان دوللارعا قاراماستان "رەسەيمەن ءسوز بايلاستى" دەگەن ايىپتار دالەلدەنبەدى. سوندىقتان ولار جالعان ايىپتاۋلار جانە مەن بىلمەيتىن، ومىرىمدە كەزىكپەگەن ايەلدەردىڭ ويدان شىعارىلعان وقيعالارىنا كوشتى. جالعان جاڭالىق" دەپ جازىلعان.

جەلتوقساننىڭ 10-ى اقش-تىڭ بىرىككەن ۇلتتار ۇيىمىنداعى تۇراقتى وكىلى نيككي حەيلي "ترامپتى ايىپتايتىن ايەلدەردىڭ شاعىمىن تىڭداپ شىعۋعا بولاتىنىن" ايتقان.

بۇدان سوڭ اقش-تىڭ ءتورت بىردەي سەناتورى «ايەلدەرگە قىرىندادى» دەگەن ايىپتارعا بايلانىستى ترامپقا وتستاۆكاعا كەتۋگە كەڭەس ەتكەن. دەموكرات سەناتور كەرستين دجيليبراندت CNN تەلەارناسىنا بەرگەن سۇحباتىندا: "ترامپ ءوز ەركىمەن وتستاۆكاعا كەتپەسە، وندا كونگرەسس ءتيىستى تەرگەۋ جۇرگىزىپ، ونى جاۋاپقا تارتۋى كەرەك" دەگەن.

Abai.kz

3 پىكىر